સલમાન અને ભણશાલી વચ્ચે ઝઘડો થતાં ફિલ્મ પડતી મૂકાઈ હતી
ખાસ-ખબર સંવાદદાતા
સંજય લીલા ભણશાલી સલમાન ખાન અને આલિયા ભટ્ટને લઇને ’ઇન્શાલ્લલાહ ’બનાવાની ઘોષણા કરી હતી. પછીથી અભિનેતા અને દિગ્દર્શક વચ્ચે મતભેદ થતાં આ ફિલ્મ બંધ પડી ગઇ હતી. જોકે, હવે એ જ સ્ટારકાસ્ટ સાથે આ ફિલ્મ ફરી શરુ કરાશે. ભણશાલી પ્રોડકશનની સીઇઓએ જણાવ્યું હતું કે, ઇન્શાલ્લાહ શરૂૂ થઇ શકે એમ છે. ફિલ્મની વાર્તા બહુ સારી હતી આ ફિલ્મનું નિર્માણ કરવાની અમને બહુ ઇચ્છા છે. સંજય લીલા ભણશાલીએ સલમાન ખાન અને આલિયા ભટ્ટને લઇને આ ફિલ્મની ઘોષણા કરી હતી.પરંતુ પછીથી ભણશાલી અને સલમાન વચ્ચે ક્રિએટિવ ડિફરન્સિસ થતા આ ફિલ્મ બંધ પડી ગઇ હતી. સલમાન અગાઉ સંજય લીલા ભણશાળીની ’હમ દિલ દે ચુકે સનમ’ જેવી ફિલ્મ કરી ચૂક્યો છે. તે પછી આટલાં વર્ષોથી બંને વચ્ચે કોઈ કોલબરેશન થયું નથી. તાજેતરમાં સમાચાર હતા કે સલમાન સામે ચાલીને સંજય લીલા ભણશાળીને મળ્યો હતો અને જૂના બધા મતભેદ ભૂલી જઈ ફરી સાથે કામ કરવાની ઈચ્છા દર્શાવી હતી.
