થોડા દિવસ પહેલાં જ આજી નદી પાસે ડૉ. હેપી નમકીનના મોટો જથ્થો મળી આવ્યો હતો
ખાસ-ખબર ન્યૂઝ રાજકોટ
રાજકોટ શહેરની વચ્ચેથી પસાર થતી આજી નદીના રામનાથ પરાના બેઠા પુલની બાજુમાં ડો. હેપી નમકીનના એક્સપાયરી ડેટવાળા નમકીન પેકેટનો મોટો જથ્થો નાંખવામાં આવ્યો હતો. જેના વિડીયો સામે આવ્યા હતા. જો કે આ ફૂડ પેકેટ કોઈ બાળક અજાણતા ખાઈ લે તો સ્વાસ્થ્ય સંબંધી મુશ્કેલી સર્જાવવાના પુરા ચાન્સ હતા. ત્યારે રાજકોટ મહાનગરપાલિકાના સોલિડ વેસ્ટ મેનેજમેન્ટ શાખા દ્વારા આ બાબતે તપાસ હાથ ધરવામાં આવી હતી. ડો. હેપી નમકીન લોધિકા તાલુકાના ખાંભા ગામે કંપની આવી હોઈ, તે કંપનીનો સંપર્ક કરતા તેમના ડીસ્ટ્રીબ્યુટર પાસેથી રૂ.10,000/-નો વહીવટી ચાર્જ વસુલ કરવામાં આવ્યો તેમજ આ એક્પાયરી ડેટવાળા નમકીનના જથ્થાનો યોગ્ય નિકાલ કરવામાં આવ્યો છે. આ કામગીરી નાયબ મ્યુનિસિપલ કમિશનર એચ.આર.પટેલના માર્ગર્શન અને સોલિડ વેસ્ટ મેનેજમેન્ટ શાખાના પર્યાવરણ ઈજનેર પ્રજેશ સોલંકીની સુચના હેઠળ પૂર્વ ઝોનના નાયબ પર્યાવરણ ઈજનેર વી.આર. ચાવડા તથા વોર્ડ નં.6ના સેનેટરી સબ ઇન્સ્પેકટર મહેશ ગાંગાણી દ્વારા કરવામાં આવ્યું છે.
