– હજુ બે દિવસ પહેલા જ તેમના મિત્રનું પણ ઓડીસાની એ જ હોટલમાં રહસ્યમય મૃત્યુ થયું હતું
એક રહસ્યમય ઘટનામાં રશિયાના સૌથી અમીર નેતાઓમાં સ્થાન ધરાવતા તથા રાષ્ટ્રીય વ્લાદીમુર પુતિનના કડક ટીકાકાર તરીકે પણ જાણીતા બનેલા ભારત ફરવા આવેલા રશિયન ઉદ્યોગપતિ પાવેલ એન્ટોવ ઉડીસાના રાયગઢમાં એક હોટલ ઇમારતની બારીમાંથી નીચે પડી જતાં તેમનું મૃત્યુ થયું છે.
- Advertisement -
ઘટના શનિવારે બની હતી જેમાં બે રશિયન પર્યટકો સાથે તેઓ ભારત આવ્યા હતા અને તેઓ રાયગઢમાં એક આલીશાન હોટલના ત્રીજા માળમાં પોતાનો રુમ બુક કરાવ્યો હતો. પોલીસ અધિકારીઓના જણાવ્યા મુજબ 65 વર્ષના પાવેલ હોટલની બહાર મૃત હાલતમાં મળી આવ્યા હતા.
સહયાત્રીકના જણાવ્યા મુજબ પોવેલ એન્ટોવ અત્યંત સ્વસ્થ નજરે ચડતા હતા તથા બારી પાસે પહોંચીને તેઓ ફક્ત ત્રીજા માળેથી નીચે પડે તેમ છતા જે રીતે તેઓને ઇજા થઇ હતી તેના પર પોલીસે પણ આશ્ચર્ય વ્યક્ત કર્યું છે. હજુ બે દિવસ પહેલા જ પોવેલના એક મિત્ર વ્લાદીમીર પોતાના રુમમાં બેહોશ હાલતમાં મળ્યા હતા અને તેઓને હોસ્પિટલે ખસેડાતા તબીબોએ તેમને મૃત જાહેર કર્યા હતા.
2nd Russian tourist death in a week in Odisha deepens mystery, speculation
- Advertisement -
Read @ANI Story | https://t.co/hbvtgkOwJZ
#RussianTouristDeath #Odisha pic.twitter.com/qi2dlpuFT1
— ANI Digital (@ani_digital) December 27, 2022
સ્થાનિક પોલીસના જણાવ્યા મુજબ વ્લાદીમીર અને પોવેલ બંને રુશી પર્યટકો સાથેના સમુહમાં હતા તેઓએ બુધવારે સાંજે હોટલમાં ચેકઇન કર્યું હતું. પોલીસના જણાવ્યા પ્રમાણે મિત્રના મોતથી પોવેલ ડિપ્રેશનમાં સરી ગયા હોય તેવું માનવામાં આવે છે અને કદાચ તેઓ શરાબના નશામાં બારીમાંથી નીચે ગબડી પડ્યા હોય તેવી પણ શક્યતા છે.
તેમની સાથે પ્રવાસ કરનાર અન્ય બે રુશી નાગરિકોને હાલ ઉડીસા પોલીસે રોકાઈ જવા માટે સૂચના આપી છે. પોવેલ એન્ટોવ એ રશિયામાં રાષ્ટ્રપતિ પુતિનની સમર્થક પાર્ટીમાં જોડાયા હતા પરંતુ યુક્રેન યુધ્ધ શરુથયા બાદ તેઓ પુતિનના કડક ટીકાકાર બની ગયા હતા. તેઓ રશિયાના સાંસદ હતા અને 2019માં સૌથી વધુ કમાણી કરનાર નેતા તરીકે પણ જાણીતા બન્યા હતા અને તેઓએ ભારતમાં જ તેઓનો 65મો જન્મદિવસ મનાવ્યો હતો જેના કારણે તેઓના મોતની આસપાસનું રહસ્ય ઘેરુ બન્યું છે. આ અંગે રશિયન દુતાવાસ કચેરીએ કોઇ માહિતી જાહેર કરી નથી.
