વડાપ્રધાન મોદીના કારણે રશિયા-યુક્રેન પરમાણુ યુદ્ધ અટક્યું હતું: અમેરિકાએ બહાર પાડેલા રિપોર્ટમાં કરાયો દાવો

• ભારતીયોને સુરક્ષિત સ્વદેશ પાછા લાવવા વડાપ્રધાન મોદીએ જાતે કમાન સંભાળી હતી

રશિયા અને યુક્રેનની વચ્ચે બે વર્ષથી યુદ્ધ ચાલી રહ્યું છે. ફેબ્રુઆરી, 2022માં શરૂ થયેલા હિંસક સંઘર્ષ અને માનવીય સંકટની વચ્ચે છેલ્લા 24 મહીનાથી વધારે સમયમાં આ યુદ્ધના પરમાણુ સંઘર્ષની તરફથી આગળ કેટલાય રિપોર્ટ સામે આવ્યા છે. બંન્ને દેશોમાં રહેનારા ભારતીયને સુરક્ષિત સ્વદેશ પાછા લાવવા અને તેમની સુરક્ષા માટે જાતે વડાપ્રધાન મોદીએ કમાન સંભાળી હતી. એક અમેરિકી રિપોર્ટ અનુસાર દાવો કરવામાં આવ્યો છે કે, વડાપ્રધાન મોદી અને કેટલાક વૈશ્વિક નેતાઓની સક્રિયતાના કારણે પરમાણુ યુદ્ધ અટક્યું હતું.

પરમાણુ યુદ્ધ રોકવા માટે વડાપ્રધાન મોદીની પહેલ કરી હતી

અમેરિકી રાષ્ટ્રપતિ બાઇડનના શાસનમાં સામેલ બે મુખ્ય અધિકારીઓના હવાલાથી આઇ સીએનએનની રિપોર્ટમાં કહેવામાં આવ્યું કે, વડાપ્રધાન મોદીએ બંન્ને દેશોના ટકરાવને રોકવા માટે રાષ્ટ્રપતિ વ્લાદિમીર પુતિન સાથે વાત કરી હતી. આ રિપોર્ટમાં દાવો કર્યો હતો કે, વડાપ્રધાન મોદી અને બીજા કેટલાક વૈશ્વિક નેતાઓની સક્રિયતાના કારણે રશિયાની સેના અને પુતિનને સમજાવવામાં સફળતા મળી છે. ત્યાર પછી જ યુક્રેન પર પરમાણુ હુમલો રોકી શકાયો હતો.

2022માં ખેરસનમાં તણાવને કારણે પરમાણુ હુમલો થઈ શકતો હતો
યુક્રેનની સેના દક્ષિણમાં રશિયાના કબજા હેઠળના ખેરસનમાં ઝડપથી આગળ વધી  હતી. તેમણે રશિયન સૈન્યને સંપૂર્ણપણે ઘેરી લીધું હતું. અમેરિકન વહીવટીતંત્રમાં એવી ચર્ચા ચાલી રહી હતી કે ખેરસનની વર્તમાન સ્થિતિ પરમાણુ હુમલાનું મુખ્ય કારણ બની શકે છે. આ પછી અમેરિકાએ ભારત સહિત ગ્લોબલ સાઉથના અન્ય દેશો પાસેથી મદદ માંગી હતી. અધિકારીએ કહ્યું કે ભારત, ચીન અને અન્ય દેશોએ રશિયા સાથે વાત કરીને દબાણ કર્યું હતું.

મોદીએ પુતિનને કહ્યું- આ યુદ્ધનો યુગ નથી
ભારતે હંમેશા રશિયા-યુક્રેન યુદ્ધમાં નાગરિકોની હત્યાની નિંદા કરે  છે અને સંઘર્ષનો શાંતિપૂર્ણ અંત લાવવાની વાત કરી છે. વડાપ્રધાન  મોદીએ ગયા વર્ષે ઉઝબેકિસ્તાનમાં SCO સમિટમાં રાષ્ટ્રપતિ પુતિનને કહ્યું હતું કે આ યુદ્ધનો યુગ નથી.

ખાસ-ખબર વોટસએપ ચેનલમાં જોડાવા માટે નીચે આપેલી લિન્ક પર ક્લિક કરો 👇🏻