ખાસ-ખબર ન્યૂઝ રશિયા, તા.4
રશિયાએ મંગળવારે યુક્રેનના પોલ્તાવા શહેર પર 2 બેલેસ્ટિક મિસાઈલોથી હુમલો કર્યો હતો. યુક્રેનના રાષ્ટ્રપતિ વોલોદિમિર ઝેલેન્સકીએ દાવો કર્યો છે કે આ હુમલામાં 51 લોકોના મોત થયા છે. અને 271 લોકો ઘાયલ થયા છે. એક વીડિયો સંદેશ જાહેર કરીને ઝેલેન્સકીએ કહ્યું કે રશિયાએ તેમની એક શૈક્ષણિક સંસ્થા અને હોસ્પિટલને નિશાન બનાવી છે. આ હુમલામાં એક ઇમારતને ભારે નુકસાન થયું હતું. ઈમારતના કાટમાળ નીચે અનેક નાગરિકો દટાઈ ગયા હતા. હુમલા બાદ પોલ્તાવામાં ત્રણ દિવસનો શોક જાહેર કરવામાં આવ્યો છે. યુક્રેનના સંરક્ષણ મંત્રાલયે કહ્યું કે એલર્ટ સાયરન વાગવા અને મિસાઈલ હુમલા વચ્ચે ખૂબ જ ઓછા સમયનું અંતર હતું. જ્યારે લોકો પર હુમલો કરવામાં આવ્યો ત્યારે લોકો બોમ્બ શેલ્ટર તરફ જઈ રહ્યા હતા. રેસ્ક્યુ ટીમે 25 લોકોને બચાવ્યા જેમાંથી 11 લોકો કાટમાળ નીચે દટાયા હતા. એક રશિયન ટેલિગ્રામ ચેનલે દાવો કર્યો છે કે યુક્રેનના મિલિટરી ટ્રેનિંગ સેન્ટરને બેલેસ્ટિક મિસાઈલ દ્વારા નિશાન બનાવવામાં આવ્યું હતું. હુમલામાં માર્યા ગયેલા લોકો યુક્રેનના ટ્રેઈની સૈનિકો છે. બીબીસીના જણાવ્યા અનુસાર, જે મિસાઈલ પર હુમલો કરવામાં આવ્યો તે ઈસ્ક્ધડર-ખ મિસાઈલ હતી, જેની રેન્જ 500 કિમી છે. ઓગસ્ટમાં યુક્રેન દ્વારા રશિયા પર સતત હુમલા કર્યા બાદ આ પહેલીવાર છે જ્યારે રશિયાએ યુક્રેનના કોઈ શહેર પર આટલો મોટો હુમલો કર્યો છે.
આ હુમલો ત્યારે થયો જ્યારે ઝેલેન્સકીએ 31 ઓગસ્ટે કહ્યું હતું કે તે રશિયાની અંદર વધુ હુમલો કરવા માંગે છે. રોયટર્સ અનુસાર, ઝેલેન્સકીએ કહ્યું હતું કે જો યુક્રેન રશિયન એરફિલ્ડ્સ અને સૈન્ય ઠેકાણાઓને નિશાન બનાવશે તો જ યુક્રેન પર હુમલા રોકી શકાશે. ઝેલેન્સકીએ કહ્યું હતું કે, “યુક્રેનના આકાશમાંથી રશિયન બોમ્બ ત્યારે જ અટકાવી શકાશે જ્યારે આપણે તેમના પર હુમલાને વધુ તીવ્ર બનાવીશું. આ પછી જ રશિયા યુદ્ધ અને શાંતિનો અંત લાવવાની દિશામાં પગલાં લેશે. યુક્રેનને બચાવવા માટે, આપણે લાંબા અંતરે હુમલો કરવામાં સક્ષમ મિસાઇલો અને રશિયા સામે તેનો ઉપયોગ કરવાની મંજુરી વધુ જરૂૂરી છે. અઢી વર્ષ લાંબા રશિયા-યુક્રેન યુદ્ધમાં 6 ઓગસ્ટ, 2024ના રોજ પહેલીવાર આવું બન્યું જ્યારે યુક્રેન રશિયામાં ઘૂસીને તેના કુર્સ્ક વિસ્તાર પર કબજો કર્યો. ત્યારથી યુક્રેન સતત રશિયા પર હુમલા કરી રહ્યું છે. છઝ રિપોર્ટ અનુસાર 20 દિવસમાં યુક્રેનિયન હુમલામાં 31 રશિયન નાગરિકોએ જીવ ગુમાવ્યા છે. બીજા વિશ્ર્વયુદ્ધ પછી આ પહેલીવાર બન્યું છે જ્યારે રશિયની ભૂમિ પર કોઈ વિદેશી તાકાતનો કબજો થયો હોય. યુક્રેને બે અઠવાડિયામાં રશિયાનો 1263 ચોરસ કિલોમીટર વિસ્તાર કબજે કર્યો હતો. યુક્રેનનો દાવો છે કે 2024ના 8 મહિનામાં રશિયાએ જે જમીન કબજે કરી છે તેના કરતાં યુક્રેને 2 અઠવાડિયામાં વધુ જમીન કબજે કરી લીધી છે. જો કે, રાજકીય નિષ્ણાત તાતીયાના સ્ટેનોવાયાના જણાવ્યા અનુસાર, રશિયા બીજા વિશ્ર્વ યુદ્ધમાં અપનાવવામાં આવેલી તેની વ્યૂહરચનાનું પુનરાવર્તન કરી રહ્યું છે. તેમની વ્યૂહરચના એ રહી છે કે પહેલા દુશ્ર્મનને અંદર પ્રવેશવા દે અને પછી ઘેરીને હુમલો કરે. આ કારણે, યુક્રેનનું કુર્સ્ક અભિયાન ઝેલેન્સ્કી માટે પ્રતિકૂળ સાબિત થઈ શકે છે.
