“રૂડા” ટ્રાન્સપોર્ટનગરના ૧૧ ખુલ્લા પ્લોટની હરરાજી માટે રૂડા તંત્ર સજ્જ

રાજકોટ શહેરી વિકાસ સત્તામંડળ (“રૂડા”) તરફથી તેમની માલિકીના “રૂડા” ટ્રાન્સપોર્ટનગર આણંદપર (નવાગામ)નાં સર્વે નં.૨૦૭ પૈકી ના ૬૯-ચો.મીટરથી ૩૧૨-ચો.મીટર સુધીના નાના-મોટા ૧૧ પ્લોટની જાહેર હરરાજી “રૂડા” ટ્રાન્સપોર્ટનગરમાં આવેલ “રૂડા”ના કોમર્શીયલ કોમ્પ્લેક્ષ ખાતે તારીખ ૨૨/૦૯/૨૦૨૧ ના રોજ સવારના ૯:૦૦ કલાકે રાખવામાં આવેલ છે. જે માટે લોકો તરફથી ખુબ મોટા પાયે પુછપરછ થઇ રહેલ છે તથા સ્થળ પર પ્લોટ જોવા માટે પણ લોકોનો ધસારો જોવા મળી રહયો છે. રાજકોટના લોકાનો આ હરરાજી પ્રત્યેનો ઉત્સાહ તથા બહોળો પ્રતિસાદ જોતા “રૂડા”નું વહીવટી તંત્ર પણ હરરાજીની કાર્યવાહીને આખરી ઓપ આપવા સજ્જ થઇ ગયું છે.

હરરાજીમાં મુકાયેલ દરેક પ્લોટ પર સ્થળે પ્લોટ નંબર અને તેનું ક્ષેત્રફળ દર્શાવતી વિગતો પ્રદર્શિત કરવામાં આવેલ છે. આ હરરાજીમાં ભાગ લેનાર વ્યક્તિએ ૧૦૦ ચો.મીટર સુધીનાં પ્લોટ માટે રૂ.૧,૦૦,૦૦૦/- અંકે રૂપિયા એક લાખ પુરા અને ૧૦૦ ચો. મીટરથી મોટા પ્લોટ માટે રૂ.૨,૦૦,૦૦૦/- અંકે રૂપિયા બે લાખ પુરા ડીપોઝીટ પેટે ભરવાનાં રહેશે. હરરાજીમાં પ્લોટ ખરીદનારે બોલેલ ઉંચી બોલીની ૨૫% કિંમત સ્થળ પર જ ભરપાઇ કરવાની રહેશે. બાકીની ૭૫% રકમ ૬૦ દિવસમાં ભરપાઇ કરી દસ્તાવેજ કરાવી લેવાનો રહેશે. ખુલ્લા પ્લોટો ખરીદવાની આ સુવર્ણ તક ઝડપી લેવા “રૂડા”ના ચેરમેન અમિત અરોરા તથા મુખ્ય કારોબારી અધિકારી ચેતન ગણાત્રા તરફથી લોકોને આમંત્રણ આમંત્રણ પાઠવવામાં આવેલ છે.