સેનામાં રોબો ડોગ્સ સામેલ

ભારતીય સેનાની LAC પર રોબો ડોગ્સને ટૂંક સમયમાં જ ખડકવાની તૈયારી

ડોગ્સને સર્વેલન્સ અને વજનનાં વહન માટે ઉપયોગમાં લેવાશે

ખાસ-ખબર ન્યૂઝ નવી દિલ્હી, તા.26

ચીન દ્વારા તાજેતરમાં જ સૈન્ય કવાયત દરમિયાન મશીન-ગન સાથેના રોબો ડોગનું પ્રદર્શન કરાયા બાદ ચિંતામાં વધારો થયો છે ત્યારે હવે ભારત પણ રોબો ડોગ્સ મુદ્દે એકદમ સીરિયસ છે. ભારતીય સેના પણ જલદી જ રોબોટિક ડાગ મ્યૂલ એટલે કે મલ્ટી યુટિલિટી લેગ્ડ ઇક્વિપમેન્ટ્સ (ખઞકઊ)ને સેનાનો ભાગ બનાવી શકે છે.
આ રોબોટિક ડોગ્સ મ્યૂલને હાલ મોનિટરિંગ અને હળવા વજનના વહન માટે કરવામાં આવશે.સાથે જ આ રોબો ડોગ્સને ચીન સાથેની લાઇન ઓફ એક્ચ્યુઅલ ક્ધટ્રોલ (એલએસી) પર પણ નિયુક્ત કરવામાં આવી શકે છે. ગયા વર્ષે જમ્મુમાં યોજાયેલી નોર્થ ટેક સિમ્પોસિયમ 2023માં ભારતીય સેના માટે ખાસ રીતે તૈયાર કરાયેલા રોબોટિક ડોગ્સની ખૂબ ચર્ચા થઇ હતી, જેમને યુદ્ધ અને સર્વેલન્સ અભિયાનો માટે ડિઝાઇન કરાયા હતા. આ મ્યૂલ બરફ અને પહાડો પર ચાલવા માટે સક્ષમ હોવાની સાથે જ તે ફર્સ્ટ કોન્ટેક્ટમાં પણ કામમાં આવી શકે છે.

જ્યાં આ જાણકારી તો હોય છે કે શત્રુ અહીં સંતાઇને બેઠો છે પરંતુ તેના લોકેશનની સચોટ જાણકારી હોતી નથી. તેવામાં આ મ્યૂલ પોતાના 360 ડિગ્રી કેમેરાની મદદથી તેમના સાચા લોકેશનની જાણકારી મેળવીને ફાયરિંગ પ્લેટફોર્મનો ઉપયોગ કરીને દુશ્મનને મારી શકે છે.

સૈન્ય સૂત્રોના અનુસાર ગયા વર્ષે સપ્ટેમ્બર મહિનામાં ઇમરજન્સી ખરીદી માટે સેનાએ આવા 100 રોબોટિક્સ ડોગ્સનો ઓર્ડર આપ્યો હતો. તે પૈકીના 25 રોબો ડોગ્સ સેનાને સોંપી દેવાયા છે. તેમનું ઇન્સ્પેક્શન પૂર્ણ થઇ ગયું છે. તેમને જલદી જ સેનામાં સામેલ કરી લેવાય તેવી અપેક્ષા છે. સૂત્રોના અનુસાર તે ઇમરજન્સી ખરીદી હોવાને કારણે 300 કરોડસુધીના જ કોન્ટ્રાક્ટ આપી શકાતા હતા. જો આ રોબો ડોગ્સનું પ્રદર્શન સારું રહેશે તો સેના જલદી જ તેની મોટી ખરીદી માટે રિક્વેસ્ટ ઓફ પ્રપોઝલ ઇશ્યૂ કરશે.

સૂત્રોના અનુસાર આ રોબોટ ડોગ્સમાં સર્વેલન્સ માટે થર્મલ કેમેરા અને અન્ય સેન્સર લાગેલા છે. સાથે જ તેમાં નાના હથિયાર પણ લગાવી શકાય છે. તે ઉપરાંત તેમનો ઉપયોગ સરહદે ફરજ બજાવતા જવાનો સુધી નાનો-મોટો સામાન લઇ જવા પણ કરી શકાય છે. આ પહેલા ભારતે 12 માર્ચે રાજસ્થાનના પોખરણમાં થયેલા સૈન્ય અભ્યાસમાં રોબોટિક્સ મ્યૂલનું પ્રદર્શન કર્યુ હતું. જ્યારે મે મહિનામાં આગરા સ્થિત શત્રુજીત બ્રિગેડે આવા જ એક રોબોટિક મ્યૂલની ખૂબીઓ શેર કરી હતી.