ધૂળેટીનાં રંગોથી લથપથ રેસકોર્સ રિંગ રોડની તત્કાળ સફાઈ કરાવતાં RMCનાં દંડક મનીષ રાડિયા

રાજકોટ સહિત ગુજરાતમાં 14 માર્ચ 2025ના રોજ ધુળેટીના પર્વની ધામધૂમપૂર્વક ઉજવણી કરવામાં આવી હતી. રાજ્યભરમાં ઠેર ઠેર મોટા પાર્ટી પ્લોટ, ક્લબ, શેરીઓમાં અને સોસાયટીઓમાં રંગેચંગે રંગપર્વની ઉજવણી કરાઈ હતી. ત્યારે રેસકોર્સ રિંગ રોડ પર ધૂળેટી રમવા જાણે કીડીયારું ઉભરાયું હતું અને તેને કારણે આખો રસ્તો કલરથી ઢંકાઈ ગયો હતો. આવી સ્થિતિમાં એ વોર્ડનાં કોર્પોરેટર અને મ્યુનિસિપલ કોર્પોરેશનનાં દંડક મનીષ રાડિયાએ આજે સવારથી જ તત્કાળ સફાઈકાર્ય ચાલું કરાવ્યું હતું. આ કામ હજુ બે’ક દિવસ ચાલશે.