રિવાબા અને રવિન્દ્ર જાડેજાએ સાથે પતંગ ઉડાવી, ઊંચે આકાશમાં પેચ લગાવ્યા

ખાસ-ખબર સંવાદદાતા
દેશભરમાં મકરસંક્રાંતિ પર્વની ઉજવણી કરવામાં આવી રહી છે. ખાસ તો ગુજરાતમાં પતંગરસિયાઓ ગઈકાલથી અગાસી પર ચઢીને રંગબેરંગી પતંગો ઉડાવી રહ્યા છે. ઉત્તરયણે સેલેબ્રિટી, પોલિટિશિયન અને સામાન્ય લોકો મનમૂકીને મજા માણી રહ્યા છે. ત્યારે જામનગર ખાતે ક્રિકેટર રવિન્દ્ર જાડેજા અને તેમના પત્ની રિવાબા જાડેજાએ પતંગ ઉડાવી પેચ કાપ્યા હતા. મહત્ત્વનું છે કે, રિવાબા જાડેજાએ તેમના સોશિયલ મીડિયા ઉત્તરાયણના સેલિબ્રેશનની તસવીર શેર કરી છે. જેના કેપ્શનમાં તેમણે લખ્યું છે કે, મકરસંક્રાંતિ 2024ની શુભેચ્છાઓ. આ સાથે રવિન્દ્ર જાડેજા પતંગ ઉડાવી રહ્યા હોય એવા અને રિવાબાએ ફીકરી પકડી હોય એવા ત્રણ અલગ-અલગ ફોટો પણ શેર કર્યા છે.