અફઘાનિસ્તાનમાં તાલિબાનનું એક ફરમાન આપવામાં આવ્યું છે જેમાં મહિલાઓ માટે યુનિવર્સિટી શિક્ષણ પર પ્રતિબંધ મુકવામાં આવ્યો છે. સમગ્ર વિશ્વમાં તેની ટીકા થઈ રહી છે. આ સંદર્ભે બ્રિટનના વડા પ્રધાન ઋષિ સુનકે પણ પોતાની પ્રતિક્રિયા આપી છે અને કહ્યું છે કે અમે તાલિબાનનું મૂલ્યાંકન તેની કામગીરી પરથી કરીશું. તેણે અફઘાનિસ્તાનમાં તાલિબાનના આ પગલાને ગંભીર ગણાવ્યું છે.
યુકે સરકાર દ્વારા જારી કરાયેલા નિવેદન અનુસાર, ઋષિ સુનકે કહ્યું છે કે દીકરીઓના પિતા તરીકે હું એવી દુનિયાની કલ્પના પણ કરી શકતો નથી કે જેમાં તેમને શિક્ષણથી વંચિત રાખવામાં આવે. અફઘાનિસ્તાનની મહિલાઓ પાસે ઘણું બધું છે. તેમને યુનિવર્સિટી શિક્ષણથી વંચિત રાખવું એ ગંભીર પગલું છે. તેણે વધુમાં કહ્યું કે દુનિયા તેને જોઈ રહી છે અને અમે તાલિબાનને તેમના કામને જોઈને જજ કરીશું. જ્યારથી અફઘાનિસ્તાનમાં તાલિબાનની સરકાર બની છે
- Advertisement -
ત્યારથી રોજ નવા ફરમાન જારી કરવામાં આવી રહ્યા છે. દરમિયાન, તાલિબાને એક નવું ફરમાન બહાર પાડ્યું, જે મુજબ અફઘાન છોકરીઓ અને મહિલાઓ માટે યુનિવર્સિટી શિક્ષણ પર અનિશ્ચિત પ્રતિબંધ લાદવામાં આવ્યો. માત્ર 3 મહિના પહેલા, હજારો છોકરીઓ અને મહિલાઓએ અફઘાનિસ્તાનની યુનિવર્સિટીઓમાં આયોજિત પ્રવેશ પરીક્ષા આપી હતી.
