ભારત-કેનેડા વિવાદનું પરિણામ: સંસદ ભવનમાં હવે દિવાળી ઉજવણીનું આયોજન રદ્દ કરાયું

મોટાભાગના રાજનેતાઓએ હાજરી આપવા ઈન્કાર કર્યો

ભારત અને કેનેડા વચ્ચે સતત તનાવભર્યા બની રહેલા સંબંધો વચ્ચે અહીના સંસદભવનમાં દિવાળીની ઉજવણી પણ રદ થઈ છે. કેનેડાના વિરોધ પક્ષના નેતા પીયરે ઓલીવટે આ આયોજનમાં આવવાના હતા પણ હાલ જે તનાવભર્યા સંબંધો છે તે જોતા આ આયોજન રદ કરાયુ છે.

ઓવરસીઝ ફ્રેન્ડ ઓફ ઈન્ડીયા કેનેડા દ્વારા આ આયોજન થાય છે. જો કે તે ઉજવણી રદ થવા પાછળ કોઈ કારણ અપાયુ નથી. આ અંગે આયોજકોને લખાયેલા પત્રમાં વિપક્ષના નેતાએ લખેલા પત્રમાં જણાવ્યું કે, અનેક રાજકીય નેતાઓએ આ સમારોહમાં હાજરી આપવાનો ઈન્કાર કરી દીધો હતો.

તેથી આયોજન રદ કરવા સિવાય કોઈ વિકલ્પ નથી. જો કે આ એક નવો વિવાદ છે અને કેનેડાના સાંસદોમાં ભારત વિરોધી લાગણી વધી રહી છે.