દાતાર આવતા ભાવિકોને વાહન પાર્ક કરવામાં મુશ્કેલી
ખાસ-ખબર સંવાદદાતા
જૂનાગઢનાં ઉપલા દાતારની સીડી પાસે પેશકદમી થઇ જતા રજુઆત કરાઇ હતી.તેમજ આ પેશકદમી દૂર કરવા માંગ કરાઇ હતી.
જૂનાગઢના ઉપલા દાતારની સીડી પાસે પેશકદમી થઇ જતા ભાવિકોને વાહન પાર્ક કરવામાં મુશ્કેલી થાય છે. આ પેશકદમી દૂર કરવામાં આવવા એવી માંગ કરાઇ હતી. દાતારના મહંત ભીમબાપુનાં માર્ગદર્શનમાં દાતારનાં સેવકોએ કમિશનરને આવેદનપત્ર આપ્યું હતું. કોમી એકતાના પ્રતિ સમાન ઉપલા દાતાર ખાતે મોટી સંખ્યામાં ભાવિકો આવે છે. ગુરૂવારે વધુ ભીડ રહે છે. પરંતુ ઉપલા દાતારની સીડી નજીક વિલિંગડન ડેમ પાસે અમુક શખ્સોએ ધંધો કરવા માટે પેશકદમી કરી પાકું બાંધકામ કરી લીધું છે. આથી દાતાર ખાતે આવતા ભાવિકોને વાહન પાર્ક કરવામાં અને ચાલવામાં મુશ્ર્કેલી થાય છે.
આ પેશકદમી દૂર કરવામાં આવે એવી માંગ સાથે ઉપલા દાતારની જગ્યાના મહંત અને દાતારસેવકોએ કમિશનરને આવેદપત્ર આપ્યું હતુ.તેમજ ભાજપનાં નેતા કીરીટભાઇ ભીંભાને મળ્યાં હતાં અને રજુઆત કરી હતી.
