રાજકોટિયન્સને રાહત

રાજકોટ મહાનગર પલિકાનું નાણાકીય વર્ષ 2026-27નું ₹3604.9 કરોડનું બજેટ મંજૂર

મનપાના શાસકપક્ષે 95 કરોડનો કરબોજ ફગાવ્યો

બજેટમાં પર્યાવરણ અને ‘ગ્રીન રાજકોટ’ પર ભાર મુકાયો: કોમ્યુનિટી હોલ, સ્પોર્ટ્સ માળખા સહિત પ્રોપર્ટી- વોટર ટેક્સમાં વ્યાજમાફીની જાહેરાત

ખાસ-ખબર ન્યૂઝ રાજકોટ

રાજકોટવાસીઓ પર ઝીંકવામાં આવેલા સંભવિત કરબોજ પર આજે સ્ટેન્ડિંગ કમિટીએ રોક લગાવી દીધી છે. આગામી મહાનગરપાલિકાની ચૂંટણીને ધ્યાનમાં રાખી મનપા કમિશનરે સૂચવેલા 95 કરોડના કરબોજને ફગાવી દેવા સ્ટેન્ડિંગ કમિટીએ નિર્ણય કર્યો છે. મ્યુનિસિપલ કમિશનર દ્વારા પાણી વેરા અને સફાઈ વેરામાં જે તોતિંગ વધારો સૂચવવામાં આવ્યો હતો, તેને સ્ટેન્ડિંગ કમિટીએ જનહિતમાં નામંજૂર કર્યો છે. 3604.9 કરોડના કુલ કદ ધરાવતા આ બજેટમાં કોઈ પણ નવા કરબોજ વગર 23 નવી જનકલ્યાણકારી યોજનાઓનો ઉમેરો કરવામાં આવ્યો છે. બજેટના કદમાં 9 કરોડનો વધારો કરાયો છે. પાણી વેરો (રહેણાંક)માં 1500થી વધારીને 2400 સૂચવ્યો હતો, બિનરહેણાંકમાં 3000થી વધારીને 4800 કરવાની દરખાસ્ત ફગાવી દેવાઈ છે જ્યારે ડોર ટુ ડોર ગાર્બેજ કલેક્શન (રહેણાંક): વાર્ષિક 365ના બદલે 800 વસૂલવાની દરખાસ્ત હતી અને બિનરહેણાંક 1460થી વધારી 3200 સુધીનો વધારો સૂચવાયો હતો, જેમાં કોઈ ફેરફાર કરાયો નથી. મ્યુ. કમિશનર દ્વારા કુલ 3595.70 કરોડનું ડ્રાફ્ટ બજેટ રજૂ કરવામાં આવ્યું હતું. જેમાં અભ્યાસ કરી શાસકો અને સ્ટેન્ડિંગ કમિટીએ અભ્યાસ કરી 3604.90 કરોડનું બજેટ મંજુર કરવામાં આવ્યું છે. મનપા કમિશનર દ્વારા 95 કરોડનો કરબોજ જનતા પર મુકવામા આવ્યો હતો જેને ફગાવી દઈ કરબોજ મુક્ત બજેટ રજૂ કરવામાં આવ્યું છે. બજેટમાં પર્યાવરણ અને ‘ગ્રીન રાજકોટ’ પર ભાર મુકાયો છે. 60 વર્ષથી વધુ વયના દરેક વરિષ્ઠ નાગરિકના નામથી વૃક્ષારોપણ કરાશે જેના માટે 6 કરોડ ફાળવાયા. રૈયા સ્માર્ટ સિટી વિસ્તારમાં ‘મિયાવાકી પદ્ધતિ’થી 51,000 વૃક્ષો સાથેનું ‘નમોવન’ (ગ્રીન લંગ) બનાવાશે. અનુસંધાન પાના નં.4 પર

નારી શક્તિ માટે ખુશખબર: ₹1000માં આખું વર્ષ અનલિમિટેડ મુસાફરી

મહિલાઓ હવે માત્ર 1,000 ભરીને આખું વર્ષ રાજકોટની તમામ સીટી બસ અને ઇછઝજ ના કોઈપણ રૂટ પર ગમે તેટલી વખત મુસાફરી કરી શકશે. આ પાસ 1 એપ્રિલ 2026 થી અમલમાં આવશે. શહેરના મુખ્ય ત્રણ વ્યસ્ત રૂટ પર ખાસ ‘પિંક બસ’ શરૂ કરવામાં આવશે. આ બસની સૌથી મોટી વિશેષતા એ હશે કે તેમાં મુસાફરોની સાથે-સાથે ડ્રાઈવર અને ક્ધડક્ટર પણ મહિલાઓ જ હશે. આ પગલાથી મહિલા મુસાફરો વધુ સુરક્ષિત અનુભવ કરી શકશે. પિંક બસમાં મુસાફરી કરતી મહિલાઓની સાથે તેમના 12 વર્ષ સુધીના બાળકો પણ કોઈ પણ પ્રકારની ટિકિટ લીધા વગર મફત મુસાફરી કરી શકશે.

મેરેજ સર્ટિફિકેટ માટે કચેરીના ધક્કા ખાવા નહીં પડે: ઘરે બેઠા મળશે ઓનલાઇન પ્રમાણપત્ર

રાજકોટ મહાનગરપાલિકાની આરોગ્ય શાખા હેઠળના લગ્ન નોંધણી વિભાગની કામગીરીમાં ક્રાંતિકારી ફેરફાર કરવામાં આવ્યો છે. બજેટ વર્ષ 2026-27થી લગ્ન નોંધણી પ્રમાણપત્ર મેળવવાની સંપૂર્ણ પ્રક્રિયા ઓનલાઇન કરી દેવામાં આવી છે. આ નવી વ્યવસ્થાથી નવદંપતીઓ અને તેમના પરિવારજનોના સમય અને શક્તિની બચત થશે.

બજેટમાં 9 કરોડના વધારા સાથે નવો કરવધારો રદ્દ: જનતાને 23 નવી યોજનાઓની ભવ્ય ભેટ

સરકાર પર નાણાકીય બોજ નાખ્યા વિના ખાનગી ભાગીદારીથી અનેક સુવિધાઓ વિકસાવવામાં આવશે. નાના મવા બ્રિજ નીચે ગેમઝોન અને 8 થી 10 કરોડના ખર્ચે ફૂડ કોર્ટ અને એન્ટરટેઈનમેન્ટ ઝોન બનશે. વોર્ડ નં-12માં વાવડીમાં આંતરરાષ્ટ્રીય સ્તરનો 10-લેન સ્વિમિંગ પૂલ બનશે. મવડી વિસ્તારમાં 900 લોકોની ક્ષમતાવાળો અત્યાધુનિક ફૂડ ઝોન બનાવાશે. સેક્ધડ રિંગ રોડ પર કો-વર્કિંગ સ્પેસ સાથેનું શોપિંગ કોમ્પ્લેક્સ, જે મનપાને 80 કરોડની આવક કરાવી આપશે. રાજકોટને 100 નવી ઇલેક્ટ્રિક બસો ફાળવવામાં આવી છે, જેના માટે 25 કરોડના ખર્ચે અત્યાધુનિક ચાર્જિંગ ડેપો તૈયાર થશે. નવા ભળેલા વિસ્તારોમાં ટ્રાફિકની સમસ્યા નિવારવા નવા બ્રિજ માટે ₹1 કરોડનો સરવે કરાશે,મધ્ય રાજકોટના હૃદય સમાન રેસકોર્ષને 10 કરોડના ખર્ચે ટ્રાફિક મુક્ત અને વધુ સુંદર બનાવવામાં આવશે. હવે લગ્નનું પ્રમાણપત્ર મેળવવા કચેરીના ધક્કા નહીં ખાવા પડે, પ્રક્રિયા સંપૂર્ણ ઓનલાઇન થશે. પાણીનો વ્યય અટકાવવા ’રીયલ ટાઈમ મોનીટરીંગ’ સિસ્ટમ પાયલોટ પ્રોજેક્ટ તરીકે શરૂ કરાશે.કોમ્યુનિટી હોલનું બુકિંગ હવે 90ના બદલે 180 દિવસ અગાઉ થઈ શકશે અને રિફંડના નિયમો પણ હળવા કરાયા છે.

બજેટ હાઈલાઈટ્સ…

1. રાજકોટવાસીઓને મળશે શુદ્ધ ઓક્સિજન, અટલ સરોવર પાસે 51 હજાર વૃક્ષો ઉગાડી નમો વન બનાવાશે
2. નાના મવા બ્રિજ નીચે પી.પી.પી. ધોરણે ગેમઝોન સાથે કાફેટેરીયા બનાવાશે
3. બી.યુ. પરમિશનમાં રાહત: ફ્લાવરબેડ રેગ્યુલરાઇઝેશન ફી માટે હપ્તા પદ્ધતિ મંજૂર
4. વોર્ડ નં.15માં આવેલા મોહનભાઈ સરવૈયા કોમ્યુનિટી હોલનું રીનોવેશન
5. 4 કરોડના ખર્ચે 25 નવા આધુનિક પબ્લિક ટોયલેટ મંજૂર: જૂનાને રિનોવેટ
6. નવા પબ્લિક ટોયલેટમાં સેનેટરી પેડ વેન્ડિંગ મશીનની મળશે સુવિધા
7. 60 વર્ષથી વધુ વયના દરેક નાગરિકના નામે થશે વૃક્ષારોપણ, ₹6 કરોડની ફાળવણી
8. 100 નવી ઈલેક્ટ્રિક બસો: 25.83 કરોડના ખર્ચે અટલ સરોવર પાસે બસ ડેપો અને ચાર્જિંગ સ્ટેશન બનશે
9. વાવડીમાં આકાર લેશે આંતરરાષ્ટ્રીય સ્તરનો સ્વિમિંગ પૂલ: પી.પી.પી. ધોરણે 10 લેન સાથેનું આધુનિક સંકુલ બનશે
10. ન્યૂ 150 રિંગ રોડ પર બનશે હાઈ-ટેક શોપિંગ સેન્ટર: ઉદ્યોગકારો, સ્ટાર્ટ-અપ્સ અને ફ્રીલાન્સર્સને ઓછા ખર્ચે ઓફિસ સુવિધા મળી રહેશે
11. મવડીમાં આકાર લેશે હાઈ-ટેક ‘મોડર્ન ફૂડ ઝોન’: એકસાથે 900 લોકો જમી શકશે, ₹12.96 કરોડના ખર્ચે ઙઙઙ ધોરણે નિર્માણ
12. મનપા શહેરમાં ‘ફાયર સેફ્ટી’ જનજાગૃતિની વ્યાપક ઝુંબેશ ચલાવશે, જાહેર સ્થળોએ યોજાશે સ્પેશિયલ વર્કશોપ

₹10 કરોડના ખર્ચે રેસકોર્સની થશે કાયાકલ્પ

શહેરની શાન અને રમત-ગમત તેમજ મનોરંજનનું કેન્દ્ર એવા રેસકોર્ષ સંકુલને આધુનિક ઓપ આપવા માટે રાજકોટ મહાનગરપાલિકાએ કમર કસી છે. વર્ષ 2026-27ના બજેટમાં રેસકોર્ષના નવીનીકરણ માટે ₹10 કરોડની મોટી જોગવાઈ કરવામાં આવી છે. આ પ્રોજેક્ટનો મુખ્ય હેતુ બાળકો, યુવાનો અને વરિષ્ઠ નાગરિકો માટે રેસકોર્ષની મુલાકાત વધુ સુખદ અને સુરક્ષિત બનાવવાનો છે. બગીચાઓને વધુ સુંદર બનાવવામાં આવશે. લોકોના બેસવા માટે નવા પ્લાઝા અને સીટિંગ એરિયા વધારવામાં આવશે.

કરણપરામાં બનશે મનપાની આધુનિક સેન્ટ્રલ ઝોન ઓફિસ

આધુનિક ઓફિસો, વિશાળ પાર્કિંગ, લિફ્ટ અને ફાયર સેફ્ટી સિસ્ટમથી સજ્જ બિલ્ડિંગનું નિર્માણ કરાશે

નવી ઓફિસ કરણપરામાં આવેલી પ્રભાદેવી જે. નારાયણી લાયબ્રેરી વાળા કેમ્પસમાં બનશે

રાજકોટ શહેરના ભૌગોલિક વિસ્તારમાં થઈ રહેલા સતત વધારા અને વધતી જતી વસ્તીને ધ્યાનમાં રાખીને રાજકોટ મહાનગરપાલિકાએ વહીવટી સેવાઓના વિકેન્દ્રીકરણની દિશામાં એક મોટું કદમ ઉઠાવ્યું છે. ઢેબર રોડ પર આવેલી હાલની મુખ્ય કચેરી પર નાગરિકોનો ધસારો ઘટાડવા માટે હવે કરણપરા વિસ્તારમાં નવી આધુનિક સેન્ટ્રલ ઝોન ઓફિસ બનાવવાની જાહેરાત કરવામાં આવી છે. રાજકોટમાં પૂર્વ (ઇસ્ટ) અને પશ્ર્ચિમ (વેસ્ટ) ઝોન ઓફિસો કાર્યરત થયા બાદ, હાલમાં સાઉથ ઝોન ઓફિસની કામગીરી પ્રગતિ હેઠળ છે. આ જ શૃંખલામાં હવે મધ્ય રાજકોટના લોકો માટે નવી સેન્ટ્રલ ઝોન ઓફિસનું આયોજન હાથ ધરવામાં આવ્યું છે. આનાથી નાગરિકોને પોતાના સ્થાનિક પ્રશ્ર્નો અને વહીવટી કામો માટે છેક મુખ્ય ઓફિસ સુધી લાંબા થવું પડશે નહીં. નવી ઓફિસ કરણપરામાં આવેલી પ્રભાદેવી જે. નારાયણી લાયબ્રેરી વાળા કેમ્પસમાં બનશે. અંદાજે 4250 ચોરસ વારના વિશાળ પ્લોટ એરિયામાં આ ભવ્ય સંકુલ તૈયાર થશે. અંદાજે 75000 ચોરસ ફૂટમાં ગ્રાઉન્ડ ફ્લોર અને પાંચ માળ (ૠ+5) નું આધુનિક બાંધકામ કરવામાં આવશે. આ પ્રોજેક્ટ ઙઙઙ (પબ્લિક પ્રાઇવેટ પાર્ટનરશિપ) ધોરણે પૂર્ણ કરવાનું આયોજન છે.