યુવાધન તમાકુ-શરાબ તથા ભાંગ જેવા નશીલા દ્રવ્યોના નશાના રવાડે
75 ટકા 18 વર્ષની ઉંમર પૂર્વે જ વ્યસની થવા લાગે છે: ગરીબ વર્ગનાં બાળકો-યુવાનોમાં પ્રમાણ વધુ: ગુજરાત સહિત 15 રાજયોમાં સર્વેનાં ચોંકાવનારા તારણો
- Advertisement -
ખાસ-ખબર ન્યૂઝ નવી દિલ્હી, તા.17
દેશમાં 10 થી 24 વર્ષના યુવાનો કિશોરો,દારૂૂ, તમાકુ અને ભાંગ જેવા નશાની પકકડમાં ફસાઈ રહ્યા છે. આ ચોંકાવનારો ખુલાસો 15 રાજયોમાં 1630 યુવાનો પર થયેલા સર્વે બાદ થયો છે. તેમાં એક તૃતિયાંશ યુવાનો નશાનાં વ્યસની થઈ ચુકયા છે. આ અધ્યયનમાં ઉકત રાજયોનાં એમ્સ સહીત અનેક હોસ્પિટલ સામેલ છે. સંશોધન મુજબ 1630 માંથી 32.8 યુવાનો નશાની ચૂંગાલમાં છે. નશા કરનારાઓમાં નિમ્ન આવકવાળા વર્ગનાં બાળકોની સંખ્યા વધુ છે. 75 ટકા અર્થાત ત્રણ ચર્તુથાંશ યુવાનો એવા હતા જે કિશોરાવસ્થા અર્થાત 18 વર્ષની વયથી જ નશો શરૂૂ કરી રહ્યા હતા. 26.4 ટકા યુવાનોએ તમાકુ ઉત્પાદનોના સેવનની વાત સ્વીકારી હતી અને 26.1 ટકાએ દારૂૂના સેવનની વાત સ્વીકારી હતી.જયારે 9.5 ટકા યુવકોએ ભાંગ લેવાની વાત કરી હતી.
અધ્યયન અનુસાર સૌથી વધુ મિઝોરમમાં 89 ટકા અને સૌથી ઓછા કેરળમાં 7.5 ટકા યુવાનો નશાની આવ્યું છે. જયારે સૌથી નીચી આવકવાળા પરિવારોમાં સૌથી વધુ 40 ટકા, મધ્યમ આવકવાળા 29 ટકા જયારે વધુ આવકવાળા સૌથી વધુ સૌથી ઓછા 23 ટકા યુવાનો નશામાં સામેલ હોવાની વાત કરી હતી. દેશનાં જુદા જુદા રાજયો, જીલ્લામાં નશાની પકકડમાં આવેલા યુવાનો કિશોરોની વાત કરીએ તો સીમલા 19 ટકા, ભટીંડા 9.5 ટકા, ઋષિકેશ 9.9 ટકા, આગ્રા 9.2 ટકા, લખીમપુર 46 ટકા, જોરમ 89 ટકા, કલ્યાણી 17.2 ટકા, ભૂવનેશ્ર્વર 37 ટકા, હૈદરાબાદ 10.2 ટકા, કુટયમ 14.2 ટકા, ફરીદાબાદ 8.2 ટકા, ગુજરાતમાં દાહોદ 61 ટકા, બેંગલુરૂૂમાં 54.5 ટકા, પઠનમથીટ્ટા 7.5 ટકા ચેન્નાઈ 46.3 ટકાનો સમાવેશ થાય છે.
