હાઈકોર્ટનાં આદેશ બાદ પોલીસની કાર્યવાહી! હવે ફરિયાદી-સાક્ષીના નિવેદન બાદ કોર્પોરેટ માંધાતાની ધરપકડની કાર્યવાહી કરશે
ટોચની ફાર્મા કંપની કેડીલા ફાર્માનાં ચેરમેન કમ મેનેજીંગ ડાયરેકટર રાજીવ મોદી સામે છેવટે બલ્ગેરીયન યુવતી પર દુષ્કર્મનો ગુન્હો દાખલ કરવામાં આવ્યો છે. ગુજરાત હાઈકોર્ટનાં આદેશ બાદ અમદાવાદના સોલા પોલીસ સ્ટેશનમાં ફરીયાદ લેવામાં આવી છે. એસીપી એચ.એમ.કણસાગરાએ કહ્યુ કે, રાજીવ મોદી વિરૂદ્ધ આઈપીસીની કલમ 376 (બળાત્કાર) 354 તથા 504 હેઠલ ફરીયાદ દાખલ કરવામાં આવી છે.હવે પોલીસ ફરીયાદી તથા સાક્ષીનાં નિવેદનો નોંધીને આરોપીની ધરપકડની કાર્યવાહી કરશે.
- Advertisement -
રાજીવ મોદી ઉપરાંત જોહન્સન મેથ્યુ વિરુદ્ધ પણ ફરિયાદ દાખલ થઈ છે. ફરિયાદમાં આરોપ લગાવવામાં આવ્યો છે કે, 22 ફેબ્રુઆરીથી લઈને માર્ચ સુધી શારીરિક દુષ્કર્મ આચારવામાં આવ્યું હતું. છારોડી કેડીલા ફાર્મ હાઉસમાં દુષ્કર્મ આચર્યું હોવાનો દાવો કરવામાં આવ્યો છે.
આ અંગે સામે આવેલી વિગતો અનુસાર કેડિલા ફાર્મા કંપનીમાં માલિકની પર્સનલ આસિસ્ટન્ટ તરીકે કામ કરતી બલ્ગેરિયાની 27 વર્ષીય યુવતીએ કંપનીના ચીફ મેનેજિંગ ડિરેક્ટર અને અન્ય એક વ્યક્તિ સામે આઇપીસીની કલમ 376, 354, 323, 504 અને 506 મુજબ ગુનો નોંધવા અરજી કરી હતી.જે બાદ આ કેસમાં હાઈકોર્ટના આદેશ બાદ આખરે સોલા પોલીસ મથકે ફરિયાદ દાખલ થઈ છે.
મૂળ બલ્ગેરિયાની યુવતીએ દુષ્કર્મ સહિતની ગંભીર કલમો હેઠળ ફરિયાદ નોંધવા માટે ગુજરાત હાઇકોર્ટમાં રીટ અરજી દાખલ કરી હતી. જે બાદ હવે કેડિલાના સીએમડી રાજીવ મોદી સામેની ફરિયાદ મામલે ગુજરાત હાઈકોર્ટે મહત્વનો આદેશ આપ્યો હતો. પીડિત મહિલાની તરફેણમાં જસ્ટીસ એચ.ડી. સુધારે ચુકાદો આપ્યો હતો. જસ્ટીસે ડીઆઈજી કક્ષાના અધિકારીને કેસની તપાસ કરવા આદેશ આપ્યા હતા.
- Advertisement -
જે પોલીસ અધિકારી સામે આક્ષેપ કર્યા તે અંગે તપાસ કરવા આદેશ અપાયા છે. અહીં મહત્વનું છે કે મહિલા પોલીસ મથકના એસીપી હિમલા જોષીએ યુવતી પાસે કેટલાક કાગળો પર સહીઓ કરાવી લીધી હોવાની પણ વાત સામે આવી હતી. મહિલા એસીપીએ યુવતીને તેનો સામાન પાછો અપાવવાનું કહીને સહીઓ કરાવી લઇ છેતરપિંડી કરી હોવાનો પણ આરોપ યુવતીએ લગાવ્યો હતો.
