મતદારો-તંત્રનો આભાર વ્યક્ત કરતાં રાજુ ધ્રુવ

ખાસ-ખબર ન્યૂઝ રાજકોટ

ગુજરાત લોકસભા ચૂંટણીમાં શાંતિપૂર્ણ અને સુરક્ષિત મતદાન બાદ ભાજપ પ્રવક્તા રાજુભાઈ ધ્રુવે જણાવ્યું હતું કે, મતદાન પ્રક્રિયામાં ભાગ લેનારા તમામ મતદારો તથા ચૂંટણી કામગીરી સાથે સંકળાયેલા તંત્રના તમામ સ્ટાફ અને સુરક્ષા જવાનોથી લઈ મીડિયા મિત્રોનો આભાર, જેમણે લોકશાહીના પર્વમાં પોતાનું અમૂલ્ય યોગદાન આપ્યું છે.

કાળઝાળ ગરમી અને અસહ્ય તડકા વચ્ચે પણ આશરે 60 ટકા જેટલું મતદાન થયું છે જે બદલ મતદારોના ઉત્સાહ અને મતદાનની પ્રક્રિયામાં જોડાયેલા તમામ નાના મોટા લોકો પ્રશંસાને પાત્ર છે. રાજુભાઈ ધ્રુવે વધુમાં જણાવ્યું હતું કે ગુજરાતની તમામ બેઠકો પર કમળ ખીલવા જઈ રહ્યું છે.