નવરાત્રિનો વર્લ્ડ રેકોર્ડ રાજકોટના હિસ્સે

ગોલ્ડન બુક ઓફ વર્લ્ડ રેકોર્ડ સિદ્ધ કરતા તેજસ શિશાંગીયા
ખાસ-ખબર ન્યૂઝ રાજકોટ

સમગ્ર વિશ્ર્વમાં રાજકોટની નવરાત્રિ હંમેશા ધ્યાનાકર્ષક રહી છે. સૌરાષ્ટ્રમાં નવરાત્રિનું આયોજન કરતાં આયોજકો સંગીત પીરસતા કલાકારો, ગાયકો હંમેશા મહેનતશીલ બની ટ્રેન્ડ્રીંગ રહ્યા છે. સંગીત જગતમાં 1994થી કાર્યરત પરફોર્મર- એંકર- સીંગર તેજસ શિશાંગીયા હંમેશા ક્રિએટિવ રહી સંગીત જગતને નોખુ અનોખું આપતા રહે છે. વર્ષ 2017માં ખોડલધામ મંદિર પ્રાણ પ્રતિષ્ઠા મહોત્સવ માટે સવા પાંચ લાખ લોકો સામે 100 કલાકારો સાથે પ્રથમ વર્લ્ડ રેકોર્ડ મળ્યા બાદ વર્ષ 2023માં નરેન્દ્રભાઈ મોદી રચિત ‘માડીનો ગરબો’ પર સવા લાખ લોકો રમ્યા જેમાં સંચાલનનો અવસર પ્રાપ્ત થયો હતો. દિલ્હી ખાતે આઈએફએ એવોર્ડ સમારંભમાં જાણીતી અભિનેત્રી સોનાક્ષી સિંહાના હસ્તે શ્રેષ્ઠ પરફોર્મરનો એવોર્ડ મળ્યો હતો.

કાર્યસિદ્ધિને સંતોષથી વધુ સફર છે જે નિત્ય અને સતત હોવી જોઈએ તેવુ માનતા તેજસ શિશાંગીયા આ વર્ષે 2024માં ભાઈ નિલેશ શિશાંગીયા, જીલ શિશાંગીયાના પૂરા સપોર્ટથી રાજકોટના નવ વિશાળ ગરબા મહોત્સવમાં સંગીત સંયોજન આર્ટિસ્ટ મેનેજમેન્ટ કરી નવો વર્લ્ડ રેકોર્ડ બનાવ્યો છે. એક જ સંગીત ગ્રુપ ‘જીલ એન્ટરટેઈન્મેન્ટ’ નવ વિવિધ નવરાત્રિના મંચ પર કાર્ય કરી શકે તે કલાજગત માટે પણ પ્રથમ ઘટના છે જેને ગોલ્ડન બુક દ્વારા વર્લ્ડ રેકોર્ડ તરીકે સ્વીકારવામાં આવ્યો છે.

વર્ષ 2024માં જીલ એન્ટરટેઈન્મેન્ટે (1) સહિયર કલબ સુરેન્દ્રસિંહ વાળા, યશપાલસિંહ જાડેજા, ચંદુભા પરમાર, (2) અબતક સુરભી કલબ વિજયભાઈ વાળા, સતીશભાઈ મહેતા, (3) અકિલા લોહાણા મહાજન નિમિશભાઈ ગણાત્રા, રાજુભાઈ પોબારુ, જયમીનભાઈ ઠાકર, (4) રજવાડી થનગનાટ વિશાલભાઈ પટેલ, (5) અકિલા રઘુવંશી બિટ્સ મિતેષભાઈ રૂપારેલ, પિન્ટુભાઈ, (6) સોનમ નવનાત ગરબા મિલનભાઈ કોઠારી, સુનિલભાઈ શાહ, (7) પાટીદાર નવરાત્રિ જીતુભાઈ સોરઠીયા, જયેશભાઈ સોરઠીયા, (8) ક્ષત્રિય ગિરાસદાર સમાજ રાજપુતાની રાસોત્સવ (9) શ્રી ઉમા ડાયનામિક કલબ પંકજભાઈ કાલાવડીયા આ તમામ આયોજકોએ સંપૂર્ણ વિશ્ર્વાસથી નવરાત્રિના મંચની જવાબદારી સોંપી તે બદલ તેમનો હૃદયથી આભાર. આ વિશાળ કાર્યને પહોંચી વળવા જેમનો સહયોગ પ્રાપ્ત થયો તેવા રાજકોટના શ્રેષ્ઠ કલા કસબી તથા ગાયકો, હિતેશ ઢાંકેચા, સુનિલ પટેલ, ઈમરાન કાનીયા, મહેશ ઢાંકેચા, રઈશ હાજી, રિયાઝ જેરિયા, રાજુભાઈ ત્રિવેદી, રવિ ઢાંકેચા, ગૌરવ પરમાર, પ્રદીપ પઢિયાર, સૌરભ ગઢવી, તૌફીક શેખ, રવિ પુરબીયા તથા રાજકોટના પસંદીદા ગાયકો રાહુલ મહેતા, અપેક્ષા પંડ્યા, હેમંત જોશી, વિશાલ વરુ, હીના હીરાણી, અનિતા શર્મા, શ્યામલ જાદવ, જાગૃતિ ગોહેલ, જયદાન ગઢવી, ગાથા પોટા, ધૈર્ય રાજપરા, પ્રિયા પરમાર, અશ્ર્વિની મહેતા, ગાર્ગી નિમ્બાર્ક, માર્ગી પટેલ, જશુ આહીર, હીના મીર, અમિત વાઘેલા, સાજીદ ખ્યાર, સોનલ ગઢવી, ભક્તિબા જેઠવા, રશ્મી માણેક, યશ્ર્વી વ્યાસ જેવા અનેક કલાકારોનો સપોર્ટ મળ્યો છે. રોજના ત્રણ કલાકનું સંગીત એટલે નવ-રાત્રિ અંદાજે 27 કલાક અને નવ મંચ પર કાર્ય કરતાં 250 કલાકનું સંગીત પીરસનાર અંદાજે 150થી વધુ કલાકારોની મહેનત રંગ લાવી છે અને આ વર્ષે નવરાત્રિનો વર્લ્ડ રેકોર્ડ રાજકોટને સિદ્ધ થયો છે.