રાજકોટની ડી.કે. સ્કૂલમાં દીકરીઓ સલામત નથી!

શિક્ષણ જગતને શર્મસાર કરતી ઘટના

મોરબી રોડ પર આવેલી ડી.કે. એજ્યુવિલાનાં લંપટ શિક્ષક
સાગર વાઢેરએ સાતમા ધોરણની વિદ્યાર્થિની સાથે અડપલાં કર્યા!

વિદ્યાર્થિનીએ પરિવારજનોને જાણ કરતાં સ્કૂલના શિક્ષક સાગર વાઢેર વિરુદ્ધ ફરિયાદ

સીસીટીવી ફૂટેજના આધારે પોલીસે તપાસ હાથ ધરી

આચાર્ય અને વિદ્યાર્થિનીના પરિવારજનો વચ્ચે બોલાચાલી

ખાસ-ખબર સંવાદદાતા
રાજકોટનાં મોરબી રોડ પર ઓલી ડી.કે. એજ્યુવિલા સ્કૂલમાં ધોરણ સાતમા અભ્યાસ કરતી વિદ્યાર્થિની સાથે ગણિત-વિજ્ઞાનનાં શિક્ષક સાગર વાઢેરએ અડપલાં કર્યાનો આક્ષેપ થયો છે. આ મામલે પરિવારજનોએ શિક્ષક સાગર વાઢેર વિરુદ્ધ ફરિયાદ નોંધાવી છે. શિક્ષકનાં રૂપમાં શૈતાન સાગર વાઢેર દ્વારા માસૂમને કરાયેલાં અડપલાંને લઈને વિદ્યાર્થિનીએ પોતાના પરિવારજનોને જાણ કરી હતી.

જે બાદ બી ડિવિઝન પોલીસ સ્ટેશનમાં ફરિયાદ નોંધાઈ છે. સમગ્ર મામલે સીસીટીવ ફૂટેજ આધારે પોલીસે તપાસ હાથ ધરી છે. બીજી તરફ પરિવારજનો આચાર્યને રજૂઆત કરવા પહોંચ્યા તે દરમિયાન આમને-સામને ઉગ્ર બોલાચાલી થઈ હતી. ડી.કે. સ્કૂલનાં આચાર્ય દ્વારા પરિવારજનોને સહકાર આપવાનાં બદલે પરિવારજનોનો જ ઉધડો લઈ લીધો હતો.