રાજકોટ મનપા દ્વારા જન્મ-મરણના 10 વર્ષના વધારાના ડેટાની ઑનલાઈન એન્ટ્રી કરાઈ

4 લાખથી વધુ નાગરિકોને લાભ મળશે

હવે વર્ષ 1990 પછીનો ડેટા વેબસાઈટ પર ઉપલબ્ધ
ખાસ-ખબર ન્યૂઝ રાજકોટ

રાજકોટ મહાનગરપાલિકા (છખઈ) દ્વારા નાગરિકોની સુવિધામાં વધારો કરવા માટે એક મહત્વપૂર્ણ પહેલ કરવામાં આવી છે. મનપા દ્વારા જન્મ અને મરણના દાખલાના 10 વર્ષના વધારાના ડેટાની એન્ટ્રી કરીને તેને ઓનલાઈન ઉપલબ્ધ કરાવવામાં આવ્યો છે, જેનાથી શહેરના 4 લાખથી વધુ નાગરિકોને સીધો લાભ મળશે. હવેથી વર્ષ 1990થી 2020 સુધીના જન્મ-મરણના દાખલા રાજકોટ મહાનગરપાલિકાની વેબસાઇટ ૂૂૂ.ળિભ.લજ્ઞદ.શક્ષ પરથી સરળતાથી ડાઉનલોડ અને વેરીફાય કરી શકાશે.

અત્યાર સુધી રાજકોટ મહાનગરપાલિકાની વેબસાઇટ પર વર્ષ 2000 થી 2020 સુધીનો ડેટા ઉપલબ્ધ હતો. જોકે, નાગરિકોની સુવિધાને ધ્યાનમાં રાખીને, છખઈ દ્વારા વર્ષ 1990થી 2000 સુધીના 4થી 4.5 લાખ જેટલા જન્મ-મરણના દાખલાની એન્ટ્રી કરીને તેને વેબસાઇટ પર અપલોડ કરવામાં આવ્યા છે. આનાથી તે સમયગાળાના દાખલા મેળવવા માટે લોકોને મનપા કચેરીના ધક્કા ખાવામાંથી મુક્તિ મળશે.

રાજકોટ મહાનગરપાલિકામાં સિવિક સેન્ટરનો હવાલો સંભાળતા અધિકારી પ્રેરિત જોશીએ આ અંગે માહિતી આપતા જણાવ્યું હતું કે, મનપા પાસે જે જન્મ અને મરણની નોંધો છે, તે નોંધોને અમે ડિજીટાઈઝ્ડ સ્વરૂપે કરી છે. અત્યાર સુધી અમારી વેબસાઇટમાંથી સર્ટિફિકેટ વર્ષ 2000 પછી જન્મ કે મરણ પામેલા વ્યક્તિનું સર્ટિફિકેટ ડાઉનલોડ થઈ શકતું હતું. જોકે, હવે તેમાં સુધારો કરીને 1990થી લઈને 2020 સુધીનો તમામ ડેટા રાજકોટ મહાનગરપાલિકાની વેબસાઇટ www.rmc.gov.in ઉપર અપલોડ કરી દેવામાં આવ્યો છે. જેથી, જાહેર જનતા પોતાનું જન્મ અથવા મરણનું કોઈપણ સર્ટિફિકેટ તેનો નંબર નાખી, ઘઝઙ જનરેટ કરાવીને ડાઉનલોડ કરી શકે છે.

તેઓએ વધુમાં ઉમેર્યું હતું કે, આની અંદર જોવા જઈએ તો, અત્યાર સુધીમાં જે 2000 થી ડેટા ડાઉનલોડ થતો હતો તે હવે 1990 થી થશે. એટલે 1990થી 2000ની વચ્ચેની લગભગ 4થી 4.5 લાખ જેટલી એન્ટ્રીઓ અમે અપલોડ કરી આપી છે. આનાથી જૂનો ડેટા અપલોડ કરવા માટે અમારી ટીમ કાર્યરત છે. તેમાં ઘણા રજિસ્ટરો છે જે થોડા ક્ધડમ થયા છે, એટલે તેને કઈ રીતે કરવા તેના ઉપર અમારી ટીમ કાર્ય કરી રહી છે અને ટૂંક સમયમાં જ અમે તમને કોઈક સારી માહિતી આપીશું.