પ્રતિ ઇક્વિટી શેર રૂ. 71-75 પ્રાઇઝ બેન્ડ જાહેર કર્યો: ઇશ્યૂ દ્વારા રૂ. 53 કરોડ ઊભા કરવાની આશા
હાઇ-ગ્રીન કાર્બન વેસ્ટ ટાયર રિસાઇકલિંગના બિઝનેસમાં કાર્યરત, છેલ્લા 30 વર્ષથી રિન્યુએબલ એનર્જી ક્ષેત્રે કામ કરી રહી
- Advertisement -
ખાસ-ખબર સંવાદદાતા
રાજકોટ સ્થિત રાધે ગ્રુપ ઓફ એનર્જીની ફ્લેગશીપ કંપની હાઇ-ગ્રીન કાર્બન લિમિટેડે તેના આગામી આઇપીઓ માટે પ્રતિ ઇક્વિટી શેર રૂ. 71-75 પ્રાઇઝ બેન્ડની જાહેરાત કરી છે, જે એનએસઇ ઇમર્જ ઉપર લિસ્ટ થશે. કંપનીનો આઇપીઓ ગુરૂવાર, 21 સપ્ટેમ્બર, 2023ના રોજ ખૂલશે અને સોમવાર, 25 સપ્ટેમ્બર, 2023ના રોજ બંધ થશે, એન્કર પોર્શન બુધવારે, 20 સપ્ટેમ્બર, 2023ના રોજ ખૂલશે. કંપની અપર પ્રાઇઝ બેન્ડ ઉપર આશરે રૂ. 52.80 કરોડ ઊભા કરશે.
કંપની બુક-બિલ્ડિંગ રૂટથી 70.40 લાખ ઇક્વિટી શેર્સ (પ્રતિ શેર મૂળ કિંમત રૂ. 10) ઓફર કરશે, જેમાં 59.90 લાખ ઇક્વિટી શેર્સના ફ્રેશ ઇશ્યૂ અને 10.50 લાખ ઇક્વિટી શેર્સના ઓફર ફોર સેલ સામેલ છે. એન્કર પોર્શનમાં 19.84 લાખ ઇક્વિટી શેર્સ સામેલ છે. જ્યારે કે માર્કેટ મેકર માટે 4.21 લાખ ઇક્વિટી શેર્સ છે.
એનઆઇઆઇ, ક્યુઆઇબી અને રિટેઇલ હિસ્સો અનુક્રમે 9.94 લાખ, 33.07 લાખ અને 23.17 લાખ છે. લોટ સાઇઝ 1600 શેરનો છે. પ્રમોટર અને પ્રમોટર ગ્રુપનું પ્રી-આઇપીઓ શેરહોલિ્ંડગ 100 ટકા છે, જે ઇશ્યૂ બાદ ઘટીને 71.83 ટકા થઇ જશે.
- Advertisement -
હાઇ-ગ્રીન કાર્બન વેસ્ટ ટાયર રિસાઇકલિંગના બિઝનેસમાં કાર્યરત છે. તે ઉર્જા ઘટકો અને કાચો માલ પેદા કરવા માટે એન્ડ-ઓફ-લાઇફ ટાયર્સ (ઇએલટી) ટુકડાઓ ઉપર પ્રક્રિયા માટે સતત પાયરોલિસિસને અનુસરે છે. તેની મુખ્ય પ્રોડક્ટ્સમાં રો મટિરિયલ કેટેગરી હેઠળ રિકવર્ડ કાર્બન બ્લેક (આરસીબી) અને સ્ટીલ વાયર્સ, એનર્જી કોમ્પોનન્ટ્સ કેટેગરી હેઠળ ફ્યુઅલ ઓઇલ અને સિન્થેસિસ ગેસ સામેલ છે. ઉચ્ચ ઉર્જા કાર્યક્ષમ હોવા તરીકે કંપની સામાન્ય રીકે રો ગ્લાસ તરીકે ઓળખાતા સોડિયમ સિલિકેટના ઉત્પાદન માટે પાયરોલિસિસ પ્રક્રિયાની બાય-પ્રોડક્ટ તરીકે સિન્થેસિસ ગેસનો ઉપયોગ કરે છે. કંપની પાસે રાજસ્થાનના ભીલવાડામાં 56,500 ચોરસ મીટર વિસ્તારમાં 100 ટીપીડી મોર્ડન, એકીકૃત અને સંપૂર્ણ ઓટોમેટેડ ઉત્પાદન સુવિધા છે. કંપનીએ જુલાઇ 2023માં તેનું ડીઆરએચપી ફાઇલ કર્યું હતું.
31 માર્ચ, 2023ના રોજ સમાપ્ત થયેલાં વર્ષ માટે હાઇ-ગ્રીન કાર્બને કુલ રૂ. 79.03 કરોડની આવક નોંધાવી છે, જે માર્ચ, 2022માં રૂ. 51.13 કરોડ હતી. 31 માર્ચ, 2023ના રોજ સમાપ્ત થયેલાં વર્ષ માટે ચોખ્ખો નફો રૂ. 10.49 કરોડ નોંધાયો છે, જે 31 માર્ચ, 2022 દરમિયાન રૂ. 3.68 કરોડ હતો. હાઇ-ગ્રીન કાર્બન લિમિટેડ ગુજરાતના રાજકોટ સ્થિત રાધે ગ્રૂપ એનર્જીનો હિસ્સો છે તથા તેને વર્ષ 2011માં અમિતકુમાર હસમુખરાય ભાલોડી અને ડો. શૈલેષભાઇ માકડિયા પરિવાર દ્વારા પ્રમોટ કરાઇ હતી.
