ખાસ-ખબર સંવાદદાતા
રાઇડ હેલિંગ એપ ઉબરનો ઉપયોગ કરી 800થી વધુ ભારતીય નાગરિકોની અમેરિકામાં દાણચોરી કરવાના આરોપમાં 49 વર્ષીય ભારતીય મૂળની વ્યકિતની ત્રણ વર્ષથી વધુ સમયની સજા ફટકારવામાં આવી છે.
ન્યાય વિભાગે જણાવ્યું હતું કે રાજિંદર પાલ સિંહ ઉર્ફે જસપાલ ગિલે ફેબુ્રઆરીમાં પોતાના અપરાધ કબૂલ્યા હતાં અને સ્વીકાર્યુ હતું કે તેણે દાણચોરી કરતી ગેંગના અગ્રણી સભ્યના રૂૂપમાં પાંચ લાખ અમેરિકન ડોલરથી વધુ રકમ લીધી હતી. જેણે અનેક ભારતીય નાગરિકોને કેનેડાથી સરહદ પાર કરાવી હતી.
- Advertisement -
કાર્યવાહક અમેરિકન એટર્ની ટેસા એમ ગોર્મને જણાવ્યું હતું કે કેલિફોર્નિયાની નિવાસી સિંહને અમેરિકાની જિલ્લા કાર્ટે 45 મહિનાની જેલની સજા ફટકારવામાં આવી છે. ગોર્મને જણાવ્યું હતું કે ચાર વર્ષના સમયગાળામાં સિંહે 800થી વધુ લોકેોને ઉત્તરી સરહદની પાર અમેરિકા અને વોશિંગ્ટન રાજ્યમાં દાણચોરી માટે લઇ લેવાની વ્યવસ્થા કરી હતી.
તેમણે ભારપૂર્વક જણાવ્યું હતું કે સિંહની વર્તણૂક વોશિંગ્ટનની સુરક્ષા માટે જોખમકારક છે. ગોર્મને વધુમાં જણાવ્યું હતું કે આ કાવતરામાં સિંહની ભાગીદારીએ અમેરિકામાં વધુ સારા જીવનની ભારતીય નાગરિકોની આશાઓને નુકસાન પહોંચાડયું છે. સિંહે દાણચોરી કરી લાવવામાં આવેલા ભારતીયોને 70,000 અમેરિકન ડોલરના દેવામાં ઉતારી દીધા હતાં. જુલાઇ, 2018થી સિંહ અને તેના સહ કાવતરાખોરોએ કેનેડાના સિએટલ ક્ષેત્રમાંથી ગેરકાયદે સરહદ પાર કરાવવા માટે ઉબર એપનો ઉપયોગ કર્યો હતો.
