રાષ્ટ્રપતિ ચુંટણીમાં જીત મેળવ્યા પછી પુતિને ત્રીજા વિશ્વયુદ્ધની ધમકી આપી, અમેરિકાના લોકતંત્રની મજાક ઉડાવી

– હજુ પણ નાટોના સૈનિક યુક્રેનમાં હાજર- પુતિનનો દાવો

રશિયાની રાષ્ટ્રપતિની ચુંટણીમાં વ્લાદિમીર પુતિને ફરી વખત જીત મેળવી છે, તેઓ સતત પાંચમી વખતે રશિયાના રાષ્ટ્રપતિ બનવા જઇ રહ્યા છે. સોમવારના જાહેર થયેલા ચુંટણીના પરિણામ પછી પુતિને પોતાના સંબોધનમાં પશ્ચિમી દેશોને ધમકી આપતા ત્રીજા વિશ્વયુદ્ધની ચેતવણી આપી દીધી છે. તેમણે કહ્યું કે, રશિયા અને અમેરિકાના નેતૃત્વવાળા નાટો ગઠબંધનમાં જે સંઘર્ષ થયો તેનો અર્થ એ છે કે, આ દુનિયા ત્રીજા વિશ્વયુદ્ધથી એક ડગલું જ દુર છે અને શાયદ જ કોઇ આવી પરિસ્થિતિ જોવા માંગશે.

હજુ પણ નાટોના સૈનિક યુક્રેનમાં હાજર- પુતિનનો દાવો

વર્ષ 1962ના ક્યૂબા મિસાઇલ સંકટ પછી રશિયા અને પશ્ચિમી દેશના સંબંધો સૌથી ખરાબ સમયમાંથી પસાર થઇ રહ્યા છે. ફ્રાંસના રાષ્ટ્રપતિએ ગયા મહીને જ ભવિષ્યમાં યુક્રેનમાં પોતાના સૈનિકોને ઉતારવાની સંભાવનાને લઇને મનાઇ ફરમાવી દીધી. આ વિશે જયારે પુતિનને પુછવામાં આવ્યું તો તેમણે કહ્યું કે, ત્રીજા વિશ્વયુદ્ધથી આપણે જરા પણ દૂર નથી. જયારે નાટોના સૈનિકો હજુ પણ યુક્રેનમાં હાજર છે. રશિયાને ખબર પડી ગઇ છે કે, યુદ્ધના મેદાનમાં ઇંગ્લિશ અને ફ્રેંચ બોલવાવાળા સૈનિકો હાજર છે. આ સારી વાત નથી, ખાસકરીને એમના માટે કારણકે તેઓ મોટી સંખ્યામાં મરી રહ્યા છે.

People are "source of power" in Russia: Putin in victory speech

- Advertisement -

Read @ANI Story | https://t.co/97827KWttR#VladimirPutin #Russia #RussiaElections pic.twitter.com/AbTYga9Y6C

— ANI Digital (@ani_digital) March 18, 2024

યુ્ક્રેન યુદ્ધ પર વાતચીત કરવા માટે રશિયા તૈયાર

પુતિને ફેબ્રુઆરી 2022માં યુક્રેન પર આક્રમણ કર્યું હતું. પુતિને યુક્રેન યુદ્ધ પર કહ્યું કે, ફ્રાંસ વાતચીતમાં મહત્વની ભૂમિકા નિભાવી રહ્યું છે કારણકે હજુ પણ કંઇ સમય વીતી ગયો નથી. પુતિને કહ્યું કે, મે પહેલા જ કહ્યું હતું અને હજુ પણ કહેવા માંગુ છું કે અમે વાતચીત માટે તૈયાર છીએ અને આ વાતચીત ફક્ત એના માટે નથી કારણકે દુશ્મનોની પાસે ગોળા-બારૂદ પૂર્ણ થઇ ગયા છે. જો તેઓ સાચે જ ગંભીર છે અને શાંતિ મેળવવા ઇચ્છે છે તો તેમણે પાડોશી દેશોની તરફ સારા સંબંધો બનાવીને ચાલવું જોઇએ.

અમેરિકાના લોકતંત્રનો મજાક ઉડાવ્યો

પુતિને વધુમાં અમેરિકા અને પશ્ચિમી દેશો દ્વારા રશિયાના ચુંટણીની આલોચના કરવા પર જાતે જ અમેરિકાના લોકતંત્રનો મજાક બનાવ્યો અને કહ્યું કે, સમગ્ર દુનિયા અમેરિકા પર હસી રહી છે, ત્યાં શું થઇ રહ્યું છે. પુતિને ટ્ર્મ્પની સામે સમગ્ર સ્ટેટ મશીનરીને લગાવવાનો આરોપ લગાવ્યો. પુતિનના વિરોધી માનવામાં આવનારા એલેક્સી નવલનીની મોત પર પુતિને પ્રથમ વખત તેમના નામનો ઉલ્લેખ કર્યો અને કહ્યું કે, હવે તેઓ મરી ગયા છે અને તેમના મોતનું દુ:ખ છે. નવલનીએ છેલ્લા દિવસો પણ રશિયાની જેલમાં સંદિગ્ધ પરિસ્થિતિઓમાં મૃત્યુ પામ્યા હતાય નવલનીને પુતિન વિરોધી માનવામાં આવી રહ્યા હતા. નવલનીના મોતના આરોપ પુતિન પર લગાવ્યા હતા.