તાલુકા સ્વાગત કાર્યક્રમમાં પ્રશ્ર્ન રજૂ થતા કાર્યવાહીના આદેશ થયા
ખાસ-ખબર ન્યૂઝ સુરેન્દ્રનગર, તા.22
- Advertisement -
ધ્રાંગધ્રા ખાતે આવેલા ડોકટર હાઉસ હોસ્પિટલ ગેરકાયદેસર શેડ, ફાયર સેફ્ટી સંસાધનોના અભાવ અને બાયું પરમિશન વગર ધમધમતી હોવાનું સામે આવ્યું હતું રાજકોટના ટીઆરપી અગ્નિ કાંડ બાદ જ્યારે રાજ્ય સરકાર સફાળી જાગી તમામ ગેરકાયદેસર અને ફાયર સેફ્ટી વગર ધમધમતી ઈમારતોને નોટિસ આપી શીલ કરવાની તત્વરીન કાર્યવાહી હાથ ધરી હતી જે બાદ સ્થાનિક તંત્રે પણ ક્યાંકને ક્યાંક માત્ર કાગળો પર જ કામગીરી કરી સમય જતા બધું જ આટોપી લેવાયું હતું.
તેવામાં ધ્રાંગધ્રા શહેરના બાબાસાહેબ આંબેડકર સર્કલ નજીક આવેલી ડોકટર હાઉસ ખાનગી હોસ્પિટલના છત પર બનાવેલ ગેરકાયદેસર સેડ અને ફાયર સેફટીનો આભાવ સ્થાનિક નગરપાલિકા તંત્રને દેખાયો ન હતો જેથી “ખાસ – ખબર”માં અહેવાલ પ્રસિધ્ધ થતા જ નગરપાલિકા દ્વારા ગેરકાયદેસર સેડ અને જર્જરિત ઈમારતના સ્ટ્રક્ચર સ્ટેબલિટી રિપોર્ટ માટે નોટિસ આપી હતી આ નોટિસ આપ્યા બાદ ડોકટર હાઉસ હોસ્પિટલના સંચાલકે નોટિસના જવાબમાં ઈમારતની બીયુ પરમિશન નહીં હોવાનું સ્વીકાર્યું હતું.
જે બાદ નગરપાલિકાએ આશરે ચારથી પાંચ નોટિસ આપી હતી અને અંતે ખાનગી હોસ્પિટલ શીલ કરવા અંગે ગત જુલાઈ 2024માં આખરી નોટિસ ફટકારી હતી પરંતુ રાજકીય પીઠબળ અને નગરપાલિકાના સત્તાધીશોના ઘૂંટણિયે થવાની નીતિને લીધે આખરી નોટિસ આપ્યા બાદ આઠેક મહિના થવા છતાં પાલિકાએ કોઈ કામગીરી કરી નહીં અને ઊલટાનું હોસ્પિટલની સીલ ન લાગે તે માટેનો રસ્તો અપનાવી ઇમ્પેક્ટ અંગે અરજી કરી હતી જોકે ડોકટર હાઉસ હોસ્પિટલના સંચાલક ડો.આશિષ ભાડુઆત અને ઈમારતના માલિકને વિશ્વાસમાં લીધા વગર કરેલી ઇમ્પેક્ટ અરજી પર નગરપાલિકા દ્વારા કોઈ નિર્ણય લીધો નહીં હોવાથી અંતે ધ્રાંગધ્રા ખાતે દર મહિને તાલુકા સ્વાગત કાર્યક્રમમાં આ પ્રશ્ન રજૂ થયો હતો જેમાં પ્રાંત અધિકારી હર્ષદીપભાઈ આચાર્ય દ્વારા પ્રશ્નને ધ્યાને લઈ કાર્યક્રમમાં હાજર નગરપાલિકાના જેટીપીઓ પાસે જવાબ માંગતા હજુય પાલિકા તંત્ર ડોકટર હાઉસ હોસ્પિટલને બચાવવાના પ્રયાસો કર્યા હતા પરંતુ બાયું પરમિશન વગર ઈમારતને શીલ કરવાનો કડક શબ્દોમાં આદેશ કર્યો હતો જોકે હજુય નગરપાલિકા દ્વારા પ્રાંત અધિકારીએ હોસ્પિટલ સીલ કરવાના આદેશને ક્યાંકને ક્યાંક અવળા રવાડે ચડાવે તેવા એંધાણ સ્પષ્ટ નજરે પડી રહ્યા છે.
- Advertisement -
ડૉકટર હાઉસ હોસ્પિટલ મુદ્દે તાલુકા સ્વાગતમાં બે વખત પ્રશ્ર્ન રજૂ થયા
ધ્રાંગધ્રાના ડોકટર હાઉસ હોસ્પિટલમાં બિયુ પરમિશન અને ગેરકાયદેસર સેડ મામલે ગત 22/7/2024 અને 21/5/2025ના રોજ રજૂ થયો હતો આ બંને વચ્ચેનો ગાળો લગભગ દસ મહિનાથી વધુનો છે છતાં સ્થાનિક નગરપાલિકા દ્વારા કોઈ કાર્યવાહી કરાઈ નહીં.
પ્રાંત અધિકારી દ્વારા અઠવાડિયામાં હોસ્પિટલ સીલ કરવાના આદેશ કર્યા
તાલુકા સ્વાગત કાર્યક્રમમાં રજૂ થયેલ ડોકટર હાઉસ હોસ્પિટલમાં બિયુ પરમિશન નહીં હોવા મુદ્દે પ્રાંત અધિકારી હર્ષદીપભાઈ આચાર્ય દ્વારા હાજર નગરપાલિકાના જેટીપીઓને અત્યાર સુધી શું કર્યું ? તેવા પ્રધાન સાથે 29 મે 2025 સુધીમાં હોસ્પિટલ શીલ કરવા આદેશ કર્યા હતા.
પ્રાંત અધિકારીના આદેશ બાદ પણ હોસ્પિટલની છાવરવાનો પ્રયાસ ?
પ્રાંત અધિકારીના હોસ્પિટલ શીલ કરવા અંગેના આદેશ બાદ ટાઉન પ્લાનિંગ કમિટીના અધિકારી જેટીપીઓ દ્વારા ચીફ ઓફિસર સાથે વાતચીત કરી આગળ નિર્ણય લેવા માટે જણાવ્યું હતું એટલે કે પ્રાંત અધિકારીના આદેશ બાદ પણ હજુય ડોકટર હાઉસ હોસ્પિટલને છાવરવામાં પાલિકા તંત્રને રસ હોય તેવું સ્પષ્ટ દેખાય છે
