ખાસ-ખબર ન્યૂઝ મોરબી, તા.21
મોરબી જિલ્લામાં નેશનલ મીન્સ કમ મેરીટ સ્કોલરશીપ- 2024-25 પરીક્ષાઓ યોજાશે. જે અંતર્ગત આગામી તારીખ 22/02/2025 ના રોજ આયોજિત પરીક્ષા સત્રમાં ચોરીના દુષણને કારણે તેજસ્વી વિદ્યાર્થીઓને નિયમોનુસાર પરીક્ષા આપવામાં અડચણ થવાની સંભાવના રહે છે. જેને ધ્યાનમાં રાખતા મોરબી જિલ્લામાં નિયત કરાયેલા પરિશિષ્ટ મુજબના પરીક્ષા કેન્દ્રોની આજુબાજુના 100 મીટર વિસ્તારની હદમાં આગામી તારીખ 22/02/2025 ના રોજ બપોરના 12:00 કલાકથી 03:00 કલાક દરમિયાન લાઉડ સ્પીકર વગાડી શકાશે નહીં અને પરીક્ષા કેન્દ્રોના 100 મીટરની અંદરમાં આવેલા ઝેરોક્ષ સેન્ટર્સ પર પ્રતિબંધ મૂકવામાં આવે છે.
આ ઉપરાંત પરીક્ષા કેન્દ્રોની અંદર ગેરરીતિ આચરવાના, અન્ય કોઈપણ હેતુથી કોપી કરાવી શકાશે નહીં, અનિયમિતતા ઊભી કરવાના, પરીક્ષા કાર્યમાં ખલેલ પાડવાના ઇરાદાથી તેમજ ચાર કરતા વધુ વ્યક્તિઓએ પ્રવેશ કરી શકાશે નહીં. તેમજ કોઇપણ પ્રકારનું સરઘસ કાઢી શકાશે નહીં અને ઝેરોક્સ મશીન દ્વારા કે અન્ય કોઈપણ રીતે પરીક્ષાલક્ષી સાહિત્ય કે લીથો લઈ-જઈ શકાશે નહીં. પરીક્ષા કેન્દ્રોની અંદર કોઈપણ વ્યક્તિ કે વિદ્યાર્થી મોબાઈલ ફોન લઈને પ્રવેશ કરી શકશે નહીં.
- Advertisement -
મોરબી જિલ્લામાં નિયત કરાયેલા પરીશિષ્ટ મુજબના પરીક્ષા કેન્દ્રોની યાદી
હળવદમાં નાલંદા વિદ્યાલય, શ્રી ઉમા ક્ધયા વિદ્યાલય, વિદ્યાદર્શન શૈક્ષણિક સંકૂલ, તક્ષશિલા વિદ્યાપીઠ, માળીયા મિયાણામાં શ્રી સત્યસાંઇ વિદ્યા મંદિર અંગ્રેજી માધ્યમ, વિનય વિદ્યા મંદિર, મોરબીમાં એસ.વી.પી. ક્ધયા વિદ્યાલય, શ્રીમતી ડી.જે.પટેલ ક્ધયા વિદ્યાલય, સાર્થક વિદ્યાલય, શ્રીમતી એમ.પી.શેઠ ગર્લ્સ હાઇસ્કૂલ, એમ.એસ.દોશી હાઇસ્કૂલ, ટંકારામાં એમ.પી.દોશી વિદ્યાલય, શ્રી મહર્ષિ દયાનંદ વી. વિદ્યાલય, વાંકાનેર ખાતે શ્રી અમરસિંહજી હાઇસ્કૂલ, શ્રી કે.કે.શાહ માધ્યમિક વિદ્યાલય, શ્રી એમ.એચ.જે.એસ.એસ. મુનિ ગર્લ્સ હાઇસ્કૂલ, શ્રી મંદિર માધ્યમિક વિદ્યાલય, ધી મોડર્ન હાઇસ્કૂલ વાંકાનેર..
