વડાપ્રધાન મોદી આજથી બે દિવસીય ઇજિપ્તના પ્રવાસે, વિવિધ મુદ્દાઓ પર કરશે ચર્ચા

ભારતના રાજદૂત અજીત ગુપ્તેએ કહ્યું કે, ભારત અને ઇજિપ્ત બે સૌથી પ્રાચીન સંસ્કૃતિ છે અને અમારા સંબંધો ચાર હજાર વર્ષથી વધુ જૂના

વડાપ્રધાન મોદી તેમનો યુએસ પ્રવાસ પૂરો કર્યા બાદ આજે વોશિંગ્ટનથી ઈજિપ્ત જવા રવાના થશે. વડાપ્રધાન ઇજિપ્તની બે દિવસીય સરકારી મુલાકાતે જશે. કાહીરામાં ભારતના રાજદૂત અજીત ગુપ્તેએ કહ્યું કે, ભારત અને ઇજિપ્ત બે સૌથી પ્રાચીન સંસ્કૃતિ છે અને અમારા સંબંધો ચાર હજાર વર્ષથી વધુ જૂના છે. તેમણે કહ્યું કે, અમારી પાસે સદીઓથી દરિયાઈ સંબંધ છે અને તાજેતરના વર્ષોમાં ખાસ કરીને ઇજિપ્તના રાષ્ટ્રપતિ અબ્દેલ ફત્તાહ અલ-સીસી અને વડાપ્રધાન મોદી સત્તામાં આવ્યા પછી સંબંધો વધુ મજબૂત બન્યા છે.

ઇજિપ્તવાસીઓ ભારતની નજીક બનવા માંગે છે
ભારતીય રાજદૂતે જણાવ્યું હતું કે, ઇજિપ્તમાં દરેક વ્યક્તિ ભારતીય સંસ્કૃતિથી પ્રભાવિત છે અને તેઓ દાયકાઓથી બોલિવૂડ ફિલ્મો જોતા આવ્યા છે. તેમણે કહ્યું, તેઓ જાણે છે કે, ભારત અને ઇજિપ્તે બિન-જોડાણવાદી આંદોલન માટે સાથે મળીને કામ કર્યું હતું. તેઓ હજુ પણ મહાત્મા ગાંધી અને સાદ જગલૌલ વચ્ચેની ગાઢ મિત્રતાને યાદ કરે છે. ગુપ્તેએ કહ્યું કે, ઇજિપ્તના લોકો ભારતની નજીક રહેવા માંગે છે. તેઓ આપણી સંસ્કૃતિ અને આપણા પારિવારિક મૂલ્યો સાથે ખૂબ જ નજીકથી જોડાયેલા છે.

#WATCH | Prime Minister Narendra Modi departs for Cairo, Egypt after concluding his maiden State Visit to the United States. pic.twitter.com/BEz1giGKZx

— ANI (@ANI) June 24, 2023

- Advertisement -

ઇજિપ્તના પીએમ સાથે મુલાકાત કરશે PM મોદી
આ સાથે તેમણે વડાપ્રધાન મોદી ઇજિપ્ત આવી રહ્યા છે. તે 25મી સુધી અહીં છે. અમે પહેલીવાર વડાપ્રધાન મોદી અને ઈજિપ્તના વડાપ્રધાન વચ્ચે ગોળમેજી બેઠક કરી રહ્યા છીએ. જાન્યુઆરી 2023માં રાષ્ટ્રપતિ અબ્દેલ ફત્તાહ અલ-સીસીની ભારતની સફળ મુલાકાત બાદ બંને દેશો સંબંધોને વ્યૂહાત્મક ભાગીદારીમાં ઉન્નત કરવા સંમત થયા હતા. તેમના પરત ફર્યા પછી ઇજિપ્તના રાષ્ટ્રપતિએ તેમની કેબિનેટમાં વરિષ્ઠ પ્રધાનોનો સમાવેશ કરીને એક વિશેષ ભારતીય એકમની રચના કરી અને તેમને ભારત સાથેના સંબંધો સુધારવા માટે કહ્યું. એટલા માટે વડાપ્રધાન ભારતીય એકમ સાથે બેઠક કરશે.

વિદેશ મંત્રાલયે પોતાના નિવેદનમાં શું કહ્યું
વડાપ્રધાન મોદી 24 અને 25 જૂને ઇજિપ્તની સરકારી મુલાકાત લેશે. વિદેશ મંત્રાલય (MEA)ના એક નિવેદન અનુસાર વડાપ્રધાન ઇજિપ્તના રાષ્ટ્રપતિ અબ્દેલ ફતાહ અલ-સીસીના આમંત્રણ પર ઇજિપ્તની મુલાકાતે છે. આ આમંત્રણ જાન્યુઆરી 2023માં લંબાવવામાં આવ્યું હતું જ્યારે તેમણે ભારતના પ્રજાસત્તાક દિવસની ઉજવણીમાં ‘મુખ્ય અતિથિ’ તરીકે હાજરી આપી હતી. પીએમ મોદીની આ પ્રથમ ઈજિપ્તની મુલાકાત હશે.

#WATCH | After concluding his maiden State Visit to the United States, Prime Minister Narendra Modi departs for Cairo, Egypt. pic.twitter.com/7JoFaoELke

— ANI (@ANI) June 24, 2023

ઇજિપ્તના મહાનુભાવો અને ભારતીય સમુદાય સાથે વાર્તાલાપ
વડા પ્રધાન રાષ્ટ્રપતિ સીસી ઉપરાંત ઇજિપ્તની સરકારના વરિષ્ઠ મહાનુભાવો અને કેટલીક અગ્રણી હસ્તીઓ અને ભારતીય સમુદાય સાથે વાતચીત કરશે. ભારત અને ઇજિપ્ત વચ્ચેના સંબંધો પ્રાચીન વેપાર અને આર્થિક કડીઓ તેમજ સાંસ્કૃતિક અને લોકો વચ્ચેના ઊંડા સંબંધો પર આધારિત છે. જાન્યુઆરી 2023 માં રાષ્ટ્રપતિ સિસીની રાજ્ય મુલાકાત દરમિયાન સંબંધોને ‘વ્યૂહાત્મક ભાગીદારી’ સુધી વધારવા માટે સંમત થયા હતા.