જૂનાગઢ પ્રજાસત્તાક પર્વ રાજ્ય કક્ષાની ઉજવણી સંદર્ભે તડામાર તૈયારી શરુ

ધ્વજ વંદન સહિતના કાર્યક્રમ સંદર્ભે બેઠક યોજાય
ખાસ-ખબર સંવાદદાતા
જૂનાગઢ કલેકટર અનિલકુમાર રાણાવસિયાના અધ્યક્ષ સ્થાને રાષ્ટ્રીય પર્વ 26મી જાન્યુઆરીની રાજ્યકક્ષાની ઉજવણીના સંદર્ભે સંબંધિત અધિકારીઓ સાથે બેઠક યોજવામાં આવી હતી. આ બેઠકમાં પ્રજાસત્તાક પર્વના અનુસંધાને યોજાતા એટ હોમ, સાંસ્કૃતિક કાર્યક્રમ અને ધ્વજ વંદન કાર્યક્રમ માટે જરૂરી વ્યવસ્થાઓ બાબતે પરામર્શ કરવામાં આવ્યો હતો જેમાં ધ્વજ વંદન માટેના મિનિટ ટુ મિનિટ એટલે કે સમગ્ર કાર્યક્રમની રૂપરેખા ઘડવા માટે વિશદ ચર્ચા વિસ્તરણ કરવામાં આવી હતી.પ્રજાસત્તાક દિનની રાજ્યકક્ષાની ઉજવણી ગરીમામય માહોલમાં યોજાઈ તે માટે રાષ્ટ્રીય પર્વની ઉજવણીના પૂર્વ અનુભવોને ધ્યાને લઈ જરૂરી માર્ગદર્શન અને સૂચનાઓ આપી હતી. રાષ્ટ્રીય પર્વની ઉજવણીમાં પ્રજાજનો પણ ઉત્સાહપૂર્વક સહભાગી થાય તે માટે પણ ચર્ચા કરવામાં આવી હતી.તેમજ 20 જેટલી સમિતિઓની રચના કરવામાં આવી છે.