તંત્ર દ્વારા આંતરરાષ્ટ્રીય મહિલા દિવસની ઉજવણી
ખાસ-ખબર ન્યૂઝ જૂનાગઢ, તા.10
આંતરરાષ્ટ્રીય મહિલા દિવસની જિલ્લા વહીવટી તંત્ર દ્વારા જિલ્લા પંચાયતના પ્રમુખની અધ્યક્ષતામાં ઉજવણી કરવામાં આવી હતી. જેમાં મહિલા અને બાળ વિકાસ વિભાગ અને વહીવટી તંત્ર દ્વારા આંતરરાષ્ટ્રીય મહિલા દિવસની ઉજવણી અન્વયે જુદા જુદા કાર્યક્રમોનું આયોજન કરવામાં આવ્યું હતું. જેમાં લંચ વિથ લાડલી, અનાથ દીકરીઓને શૈક્ષણિક કીટનું વિતરણ, પ્રિ અને પોસ્ટ મેરેજ કાઉન્સેલિંગ સેન્ટરનું ઉદઘાટન, કિશોરીઓના આરોગ્ય તપાસ કાર્યક્રમ યોજાયા હતાં.
આ કાર્યક્રમના અધ્યક્ષ તરીકે જિલ્લા પંચાયતના પ્રમુખ હરેશભાઈ ઠુંમર તથા જૂનાગઢ મનપા સ્ટેન્ડિંગ કમિટીના ચેરમેન પલવીબેન ઠાકર તથા બાળ કલ્યાણ સમિતિના ચેરમેન ગીતાબેન માલમ તથા મહિલા અને બાળ અધિકારી સી.જી.સોજીત્રા તથા અધિકારી સહ રક્ષણ અધિકારી બી.ડી.ભાડ તેમજ મેડીકોલ ઓફિસર ધર્મેશભાઈ કાલરીયા તથા વિવિધ ક્ષેત્રની અગ્રેસર મહિલાઓ તથા દીકરીઓ સમગ્ર કાર્યક્રમમાં જોડાયા હતા. આ કાર્યક્રમમાં અગ્રેસર મહિલાઓનું સન્માન તથા દીકરીના જન્મને વધારવા માટે દીકરી વધામણા કીટનું વિતરણ તથા વહાલી દિકરી યોજનાના મંજૂરી હુકમનો વિતરણ તથા ગંગા સ્વરૂપા યોજનાના લાભાર્થીને સહાયનું મંજૂરી હુકમ તથા ગંગા સ્વરૂપા આર્થિક સહાયના લાભાર્થીને મંજૂરી હુકમ તથા અનાથ દીકરીઓને શૈક્ષણિક કીટનું વિતરણ મહાનુભાવો હસ્તે કરવામાં આવેલ હતું.
