વેપારીઓ તથા ખરીદી કરવા આવતા લોકોને પડતી અગવડતાઓ અંગે માહિતી મેળવી
રાજકોટ પોલીસ કમિશનર રાજુ ભાર્ગવે ભક્તિનગર પોલીસ સ્ટેશનમાં આવતી ગુંદાવાડી બજારમાં ફૂટ પેટ્રોલિંગ હાથ ધર્યું હતું. જેમાં વેપારીઓ તથા ખરીદી કરવા આવતા લોકોને પડતી અગવડતાઓ અંગે માહિતી મેળવી હતી. દિવાળીના તહેવારો દરમિયાન વેપારીઓને કે ખરીદી કરવા આવનાર લોકોને કોઇ અગવડતાઓ ન પડે તે માટે જરૂરી પોલીસ બંદોબસ્ત રાખી તકેદારીના પગલાં લેશે તેવી કટિબદ્ધતા દર્શાવી હતી. તહેવાર દરમિયાન મોટી સંખ્યામાં લોકો ખરીદી કરવા આવતા હોય છે ત્યારે બજારમાં ભીડ એકત્ર થતી હોય છે તેથી બજારમાં ભીડનો ગેરલાભ લેવા માટે ખિસ્સાકાતરુ, ચીલ ઝડપ કરનાર તથા ગુનાહીત પ્રવૃતિઓ થતી હોય છે તેથી લોકો હર્ષોલ્લાસથી દિવાળી પર્વની ઉજવણી કરી શકે તેવા હેતુથી ફૂટ પેટ્રોલિંગ કરવામાં આવ્યું હતું.
