પીએમ નરેન્દ્ર મોદીની ગુજરાત સીએમ ભુપેન્દ્રભાઈ પટેલ સાથે વાતચીત
ભારત-પાકિસ્તાન સંબંધો: ભારત અને પાકિસ્તાન વચ્ચે વધતા તણાવને કારણે ચાલી રહેલી પરિસ્થિતિ વચ્ચે પ્રધાનમંત્રી નરેન્દ્ર મોદીએ શુક્રવારે ગુજરાતના મુખ્યમંત્રી ભૂપેન્દ્ર પટેલ સાથે ટેલિફોન પર વાતચીત કરી.
- Advertisement -
X પરની એક પોસ્ટમાં, સીએમ પટેલે જણાવ્યું કે પ્રધાનમંત્રીએ સરહદી રાજ્ય તરીકે ગુજરાતની તૈયારીઓ અને હાલની સ્થિતિમાં રાજ્ય સરકાર દ્વારા લેવામાં આવેલ મહત્વના પગલાંઓ અને સુરક્ષા અંગેના આયોજનની વિગતો મેળવી છે. પટેલે વધુમાં જણાવ્યું કે પ્રધાનમંત્રી મોદીએ રાજ્યના નાગરિકોની સલામતી અને સુરક્ષા માટે જરૂરી માર્ગદર્શન પૂરું પાડ્યું છે.
“માનનીય પ્રધાનમંત્રી શ્રી નરેન્દ્ર મોદીએ મારી સાથે ટેલિફોન પર વાતચીત કરી હતી અને સરહદી રાજ્ય તરીકે ગુજરાતની તૈયારીઓ અને સરહદ પર તણાવની વર્તમાન પરિસ્થિતિમાં રાજ્ય સરકારે હાથ ધરેલા આગોતરા આયોજનની વિગતો મેળવી હતી અને આ સંદર્ભમાં જરૂરી માર્ગદર્શન પૂરું પાડ્યું હતું. પ્રધાનમંત્રીએ રાજ્ય સરકાર દ્વારા નાગરિકોની સલામતી અને સુરક્ષા માટે લેવામાં આવેલા પૂરતા પગલાં વિશે પણ વિગતો મેળવી હતી, ખાસ કરીને કચ્છ, બનાસકાંઠા, પાટણ, જામનગર જેવા સંવેદનશીલ જિલ્લાઓમાં, જે પાકિસ્તાનની સરહદે છે,” તેમણે X પર એક પોસ્ટમાં જણાવ્યું હતું.
ગુજરાતના કચ્છ, બનાસકાંઠા, પાટણ અને જામનગર જિલ્લાઓ પાકિસ્તાન સાથે સરહદ ધરાવે છે.
- Advertisement -
ભારત-પાકિસ્તાન સરહદી વિસ્તારોમાં ભારે ચિંતાજનક વાતાવરણ
ભારતમાં ગુરુવારે સાંજે જમ્મુ અને કાશ્મીર, પંજાબ અને રાજસ્થાનના અનેક સરહદી વિસ્તારોમાં હવાઈ હુમલા અને ડ્રોન હુમલાઓ જોવા મળ્યા. જેથી પાકિસ્તાનની વધતી દુશ્મનાવટનો ભારતીય સેના દ્વારા સફળતાપૂર્વક જવાબ આપવામાં આવ્યો હતો. જે ભારત દ્વારા પાકિસ્તાન અને પાકિસ્તાન કબજા હેઠળના કાશ્મીરમાં આતંકવાદી રહેણાંકો પર હુમલો કર્યાના એક દિવસ પછી નોંધપાત્ર વધારો દર્શાવે છે.
ગુરુવારે રાત્રે પાકિસ્તાને ભારતના અનેક વિસ્તારોને નિશાન બનાવવાનો પ્રયાસ કર્યા બાદ જમ્મુ, શ્રીનગર, ઉધમપુર, બારામુલ્લા, પઠાણકોટ, ચંદીગઢ, ગુરદાસપુર, અમૃતસર, જલંધર, બાડમેર અને જેસલમેરમાં અંધારપટની સ્થિતિ સર્જાઈ હતી.
શુક્રવારે વહેલી સવારે પાકિસ્તાને ફરી એકવાર નિયંત્રણ રેખા (LoC) પર ભારે ગોળીબાર કર્યો. ઉરી અને ચોકીબલ કુપવાડામાં અનેક ઘરોને નુકસાન થયું છે, જ્યારે ઉરીમાં એક મહિલાનું મોત થયું હોવાના અહેવાલ છે.
યુદ્ધ અંગેની આગોતરી તૈયારીનો જંગ શરૂ
હાલ કેન્દ્રીય ગૃહમંત્રી અમિત શાહના નિવાસસ્થાને એક ઉચ્ચ સ્તરીય બેઠક ચાલી રહી છે. અમિત શાહની BSF અને CISF DG કે સાથે મુલાકાત ચાલી રહી છે. આ બેઠકમાં NSA અજિત ડોભાલ અને IB ચીફ પણ હાજર છે. આજરોજ સાંજે કેન્દ્રીય નાણાં મંત્રી નિર્મલા સીતારામન બેંકો અને નાણાકીય સંસ્થાઓની સાયબર સુરક્ષાની તૈયારીઓ પર સમીક્ષા બેઠકની અધ્યક્ષતા કરશે. બીજી તરફ કેન્દ્રીય આરોગ્ય પ્રધાન જેપી નડ્ડા દેશભરની તમામ હોસ્પિટલો અને આરોગ્ય સુવિધાઓની સમીક્ષા કરવા માટે એક બેઠક યોજશે. આરોગ્ય મંત્રાલયના વરિષ્ઠ અધિકારીઓની બેઠક બાદ નડ્ડા ફાર્મા સંબંધિત અધિકારીઓની બેઠક પણ યોજશે.
