રાજકોટમાં દસ વર્ષની દિકરીને પોર્ન વિડીયો બતાવી મરાઠી શખ્સનું વિકૃત કૃત્ય

ચાંદીની ભઠ્ઠી ચલાવતાં પરિવારની દિકરી ઘરે હતી ત્યારે 15 વર્ષથી સબંધ ધરાવતો શખ્સ દર રવિવારે પોતાની મંગેતર સાથે વાત કરવા ઘરે આવતો
પાણીના બહાને દિકરીને પોતાની પાસે બોલાવી ગુપ્ત ભાગે અડપલાં કરતો
દિકરીએ પેટમાં દુ:ખવાની ફરિયાદ કરતાં ભાંડો ફૂટ્યો: પરિવાર પોલીસ પાસે દોડી જતાં ગુનો નોંધી આરોપીને પકડવા તજવીજ હાથ ધરી

ખાસ-ખબર ન્યૂઝ રાજકોટ, તા.10
રાજકોટ શહેરમાં વિકૃત મરાઠી શખ્સે હેવાનીયતની સીમા ઓળંગી હતી. દસ વર્ષની માસૂમ ફૂલ જેવી દીકરીને ગંદા પોર્ન વિડીયો બતાવી દીકરીના ગુપ્ત ભાગે હાથ ફેરવી વિકૃત હરક્ત કરી હતી. દીકરીને પેટમાં દુખાવો ઉપડતાં તેમને સારવારમાં ખસેડાયા બાદ દીકરીએ હકીકત વર્ણવતા ભાંડો ફૂટ્યો હતો. બનાવ અંગે બી. ડિવિઝન પોલીસે પોકસો સહિતની કલમ હેઠળ ગુનો નોંધી આરોપીની શોધખોળ હાથ ધરી હતી.

બનાવ અંગે પેડક રોડ પર રહેતાં મૂળ મહારાષ્ટ્રના વતની મહિલાએ નોંધાવેલ ફરીયાદમાં આરોપી તરીકે શ્રીનિવાસ ચંદર યમગર (રહે. નવનાથ રિફાઈનરીના ઉપરના માળે, પેડક રોડ) નું નામ આપતાં બી. ડિવિઝન પોલીસે પોકસો સહિતની કલમ હેઠળ ગુનો નોંધી તપાસ હાથ ધરી હતી. વધુમાં ફરીયાદીના પતિએ જણાવ્યું હતું કે, તેઓ મૂળ મહારાષ્ટ્રના વતની છે. તેઓ ચાંદીની ભઠ્ઠી ચલાવી પરીવારનું ગુજરાન ચલાવે છે. તેમના પરીવારમાં પત્ની અને સંતાનમાં એક પુત્ર-પુત્રી છે. તેમની દસ વર્ષીય પુત્રી છઠા ધોરણમાં અભ્યાસ કરે છે. તેમને આરોપી શ્રી નિવાસ પણ મહારાષ્ટ્રનો હોવાથી તેની સાથે 15 વર્ષથી સબંધ છે.

તેની સગાઈ થઈ ગઈ હોવાથી તે છેલ્લા ત્રણ મહિનાથી દર રવિવારે ફરિયાદીના ઘરે મંગેતર સાથે વાત કરવા આવતો હતો. ત્યારે તેમની પુત્રીને તે પાણી આપવા માટે બોલાવતો હતો.
દરમિયાન ગયાં રવિવારે તેમની પુત્રીને પાણી આપવા માટે બોલાવ્યા બાદ ગઈકાલે તેમની પુત્રીએ પેટમાં દુખાવો થતો હોવાની ફરીયાદ કરતાં તેમને સારવાર અર્થે ખાનગી હોસ્પિટલમાં ખસેડાઈ હતી. જે બાદ તેણીએ આપવીતી વર્ણવતા માતા-પિતા નીચેથી જમીન સરકી ગઈ હતી. દિકરીએ જણાવ્યું હતું કે, છેલ્લા ત્રણ મહિનાથી આરોપી તેને પાણી આપવા માટે બોલાવ્યા બાદ તેના મોબાઈલમાં પોર્ન વિડીયો બતાવી તેમના ગુપ્ત ભાગમાં આંગળી નાંખી અડપલાં કરતો હતો. જે બાદ તેઓ પોલીસ મથકે દોડી ગયાં હતાં. બનાવ અંગે બી. ડિવિઝન પોલીસે ગુનો નોંધી પીઆઈ એસ.એમ.રાણેએ તપાસ હાથ ધરી હતી.

ક્રુરતા એટલી ગંભીર હતી કે બાળકીને સારવારમાં ખસેડવી પડી

પેડક રોડ પર રહેતી દસ વર્ષીય ફુલ જેવી બાળકીને મરાઠી શખ્સે કચડવાનો પ્રયાસ કર્યો હતો. સંબંધ કેળવિ મરાઠી પરીવારના ઘરે મંગેતર સાથે વાત કરવાના બહાને આવી ત્રણ માસથી દિકરીને પોર્ન વિડીયો બનાવી ગુપ્ત ભાગે અડપલા કરતો હતો.ગુપ્ત ભાગે ગંભીર હોવાની પડી આચરતા ફુલ જેવી દિકરીને દુ:ખાવો ઉપડતો સારવારમાં ખસેડવી પડી હતી.