સરગમ પરિવારના સભ્યો માટે મુંબઈના પ્રખ્યાત નાટ્ય શૉનું આયોજન

ખાસ-ખબર ન્યૂઝ રાજકોટ, તા.19

સરગમ પરિવારના નવા વર્ષના સભ્યો માટે મુંબઈના પ્રખ્યાત નાટ્ય શોનું આયોજન કરવામાં આવ્યું છે. સરગમ કલબના પ્રમુખ ગુણવંતભાઈ ડેલાવાળાના જણાવ્યા અનુસાર કમલેશ ઓઝા લિખિત, દિગ્દર્શિત અને અભિનિત ‘દોસ્તી અનલિમિટેડ’ નામનું પારિવારિક કોમેડી નાટક બધાને પસંદ આવશે. આ નાટકમાં કમલેશ ઓઝા ઉપરાંત લીના શાહ, યશ ગજ્જર, શૈલજા શુક્લ, આકાશ સુપેડા અને અંકીત પોપટ વગેરે અભિનય આપી રહ્યા છે.સરગમ લેડીઝ કલબના સભ્ય સંખ્યા નંબર 1થી 1000 માટે આ નાટક તા. 20-4 ને શનિવારે બપોરે 3-30થી 6-15 દરમિયાન યોજાશે, જયારે સભ્ય નંબર 1001થી 2000 માટે આ નાટક તા. 22-4 ને સોમવારે બપોરે 3-30થી 6-15 દરમિયાન યોજાશે. આ ઉપરાંત કપલ કલબના સભ્યો માટે આ નાટક તા. 20-4 ને શનિવારે (સભ્ય સંખ્યા નંબર 1થી 1000) રાત્રે 10-00થી 12-30 વચ્ચે યોજાશે.

તા. 21-4 ને રવિવારે (સભ્ય નંબર 1001થી 2000) માટે આ નાટક રાત્રે 10-00થી 12-30 વચ્ચે યોજાશે અને તા. 22-4 ને સોમવારે (સભ્ય સંખ્યા 2001થી 3000) માટે આ નાટક રાત્રે 10-00થી 12-30 વચ્ચે યોજાશે તથા તા. 23-4 ને મંગળવારે સભ્ય નંબર 3001થી 4000 માટે આ નાટક રાત્રે 10-00થી 12-30 વાગ્યે યોજાશે. દરેક ગ્રુપે પોતાના જ ગ્રુપમાં આવવાનું રહેશે, બીજા ગ્રુપમાં પ્રવેશ મળશે નહી તેમજ સિનિયર સિટીઝન કલબના સભ્યો (નંબર 1થી 1300) માટે આ નાટક તા. 21-4 ને રવિવારે સાંજે 5-30થી 8-30 દરમિયાન યોજાશે. જેન્ટ્સ કલબના સભ્યો તથા ડોનર, આમંત્રિતો માટે આ નાટક તા. 24-4 ને બુધવારે રાત્રે 10-00થી 12-30 દરમિયાન યોજાશે. એપ્રિલ માસમાં આ નાટક બાદ મે માસમાં પણ નાટ્ય શોનું આયોજન કરવામાં આવ્યું છે. આ નાટક તા. 27-5-24થી 30-5-24 દરમિયાન યોજાશે.આ કાર્યક્રમોને સફળ બનાવવા ગુણવંતભાઈ ડેલાવાળા, મૌલેશભાઈ પટેલ, હરેશભાઈ લાખાણી, નાથાભાઈ કાલરીયા, લલીતભાઈ રામજીયાણી, મીતેનભાઈ મહેતા, ડો. ચંદાબેન શાહ, નીલુબેન મહેતા, ડો. માલાબેન કુંડલિયા, ગીતાબેન હિરાણીના માર્ગદર્શન હેઠળ કમિટીના સભ્યો જહેમત ઉઠાવી રહ્યા છે.