અખિલ ભારત લાડી સિંધી સમાજ દ્વારા ક્રિકેટ ટુર્નામેન્ટનું આયોજન

ખાસ-ખબર સંવાદદાતા
અખિલ ભારત લાડી લોહાણા સિંધી સમાજ નવયુવક મંડળ દ્વારા યુવક મંડળના રાષ્ટ્રીય પ્રમુખ અનિલભાઈ મંગલાણી અને સૌરાષ્ટ્ર પ્રાંતના પ્રમુખ લાભશંકર કેશવાણીના નેજા હેઠળ તા.18 ને રવિવારના રોજ બોક્સ ક્રિકેટ ટુર્નામેન્ટનું આયોજન ઇન્ફિનિટી સ્પોર્ટ્સ ક્લબ, 60 ફૂટ રોડ, મોટા માવા, રાજકોટ ખાતે કરવામાં આવ્યું છે.જેમાં સૌરાષ્ટ્ર ભરમાંથી સિંધી સમાજના યુવાનોની 12 જેટલી ટીમોએ ભાગ લીધો હતો. સૌ પ્રથમ ઉપસ્થિત મહેમાનો અને પદાધિકારીઓ દ્વારા દીપપ્રાગટ્ય કરી કાર્યક્રમની શરૂઆત કરવામાં આવી હતી. ત્યારબાદ પદાધિકારીઓ અને આયોજકો વચ્ચે ફ્રેન્ડલી મેચનું આયોજન કરવામાં આવ્યું હતું.જેમાં તમામ લોકો પોતાની ખેલદિલી સાથે મેચ રમ્યા હતા.તમામ રાઉન્ડ બાદ આખરે કચ્છની કચ્છ સિંધી સમાજ અને રાજકોટની રુદ્ર ઇલેવન વચ્ચે ફાઇનલ મેચ રમાયો હતો.જેમાં રાજકોટની રૂદ્ર ઇલેવન એબીએલએલએસ કપની વિજેતા બની હતી. આ કાર્યક્રમમાં મુખ્ય મહેમાન તરીકે લાડી લોહાણા સિંધી સમાજના હોતચંદ (પપ્પુભાઈ) સોમજાણી, જગદીશભાઈ મગનાણી, સુરેશભાઈ ચંદવાણી,સુનિલભાઈ મુલચંદાણી, હરેશભાઈ પેશવાણી, લલિતભાઈ ગંગવાણી તેમજ અન્ય મહાનુભાવો ઉપસ્થિત રહ્યા હતા. આ કાર્યક્રમને સફળ બનાવવા યુવક મંડળના તમામ હોદ્દેદારોએ જહેમત ઉઠાવી હતી.