ખાસ-ખબર સંવાદદાતા
મોરબી જીલ્લાની ત્રણ બેઠકો પર ગઈકાલે ફોર્મ પરત ખેંચવાના દિવસે ત્રણ ફોર્મ પરત ખેંચાયા છે જેમાં મોરબીમાં એક અપક્ષ ઉમેદવાર અને વાંકાનેરમાં બે અપક્ષ ઉમેદવારોએ ફોર્મ પાછા ખેંચ્યા છે જ્યારે ટંકારામાં ગઈકાલે એકપણ ફોર્મ પરત ખેંચાયું નથી.
મોરબી જીલ્લાની ત્રણેય વિધાનસભા બેઠકો પર બુધવારે ઉમેદવારી ફોર્મ ચકાસણી દરમિયાન મોરબી માળીયા બેઠક ઉપર બે ઉમેદવારીપત્રકની સાથે 8 ડમી ઉમેદવારીપત્રક આપોઆપ રદ થતા હવે 36 માંથી 26 ઉમેદવારિપત્રક માન્ય રહ્યા હતા જ્યારે ટંકારમાં 11 ઉમેદવારીપત્રક રદ થતા 18 માંથી 7 ઉમેદવારોના ફોર્મ માન્ય રહ્યા છે જ્યારે વાંકાનેરમાં 7 ઉમેદવારીપત્રક રદ થતા 26 માંથી 19 ઉમેદવારોના ફોર્મ માન્ય રહ્યા છે. આમ, મોરબી જિલ્લાની 3 બેઠકમાં 80 ઉમેદવારીપત્રકોમાંથી 28 રદ થતા 52 ઉમેદવારીપત્રક માન્ય રહ્યા છે.
આ દરમિયાન ગઈકાલે ફોર્મ પરત ખેંચવાના દિવસે મોરબી જીલ્લાની ત્રણ બેઠકો પર ત્રણ ઉમેદવારોએ ફોર્મ પરત ખેંચી લીધા છે જેમાં મોરબી બેઠક પર અપક્ષ ઉમેદવાર ગોપાલભાઈ રાતડિયાએ અને વાંકાનેરમાં બે અપક્ષ ઉમેદવારો રિતેશભાઈ મનસુખ પરસાણા અને રાજેન્દ્રભાઈ બટુકભાઈ માંડવિયાએ ઉમેદવારી પત્રક પરત ખેંચી લીધા છે જ્યારે ટંકારામાં ગઈકાલે એકપણ ફોર્મ પરત ખેંચાયું નથી.
