સાયલા તાલુકાના આયા ગામની સીમમાં વિદેશી દારૂના કટિંગ સમયે સ્થાનિક પોલીસ ત્રાટકી

વિદેશી દારૂ, બાઈક, ટ્રક સહિત 47.95 લાખનો મુદ્દામાલ જપ્ત

ખાસ-ખબર ન્યૂઝ સુરેન્દ્રનગર, તા.31
સાયલા પોલીસ મથકનો સ્ટાફ પેટ્રોલીંગમાં હોય તેવા સમયે આયા ગામની સીમમાં એક ટ્રકોમાંથી વિદેશી દારૂનું કટિંગ થતું હોવાની માહિતી મળતા સ્થાનિક પોલીસ દ્વારા વિદેશી દારૂના કટિંગ થતાં સમયે જ દરોડો કર્યો હતો દરોડા દરમિયાન તમામ શખ્સો અંધારાનો લાભ લઈ નાશી છૂટ્યો હતા છતાં સ્થાનિક પોલીસ દ્વારા વિદેશી દારૂ ભરેલો ટાટા કંપનીનો ટાકો નંબર યુ કે 04 સી એ 9713 કિંમત 15 લાખ રૂપિયા, બોલેરો પીકઅપ ગાડી નંબર જીજે 13 એ ડબલ્યુ 9326 કિંમત ત્રણ લાખ રૂપિયા તથા નંબર પ્લેટ વગરના કાળા કલરની હીરો હોન્ડા કંપનીનું બાઈક કિંમત 30 હજાર રૂપિયા સહિત જુદા જુદા બ્રાન્ડના નાની મોટી વિદેશી દારૂની બોટલ કિંમત 29,94,384/- રૂપિયા એમ કુલ 47,95,384/- રૂપિયાનો મુદ્દામાલ જપ્ત કરી ત્રણેય વાહન ચાલકો તથા દારૂ મંગાવનાર ઈસમ અને દારૂ મોકલનાર ઈસમો સહિત પાચ વિરૂદ્ધ ગુન્હો નોંધી કાર્યવાહી હાથ ધરી હતી.