પહેલી દિવાળીએ બે લાખ દીવાથી રામ મંદિર ઝળહળી ઉઠશે, મનીષ મલ્હોત્રા રામલલ્લાના વસ્ત્રો બનાવશે

અયોધ્યાના રામમંદિરમાં પહેલી દિવાળીની તૈયારીઓ શરૂ

રામમંદિરમાં ચાઈનીઝ લાઈટોનો ઉપયોગ નહિં કરાય

સરયુ તટે 25 લાખ દિવા પ્રગટાવીને નવો વિશ્વ રેકોર્ડ કરવામાં આવશે

અયોધ્યામાં આ વર્ષે 22 જાન્યુઆરીએ થયેલી રામમંદિરની પ્રાણ પ્રતિષ્ઠા બાદ પહેલી દિવાળી છે એટલે મંદિરમાં બે લાખ દીવા પ્રગટાવવામાં આવશે અને મંદિરમાં ભવ્ય લાઈટીંગ કરવામાં આવશે પણ એમાં ચાઈનીઝ લાઈટોનો વપરાશ કરવામાં નહિં આવે.

આ સિવાય રામલલ્લા અને તેમના ભાઈઓને પણ ફેશન ડીઝાઈનર મનીષ મલ્હોત્રાએ ડીઝાઈન કરેલા વસ્ત્રો પહેરાવવામાં આવશે મુખ્ય મંદિર અને રામ જન્મભૂમી પથ પર દીવા પ્રગટાવવામાં આવશે અને લાઈટો લગાવવામાં આવશે. દિવાળી નિમિતે મંદિરમાં તમામ આરતી વખતે ભગવાન માટે સ્પેશ્યલ ભોગ તૈયાર કરવામાં આવશે. રામ જન્મભૂમી સંકુલમાં કુલ બે લાખ દીવા પ્રગટાવવામાં આવશે.જોકે દિવામાંથી નીકળતા તેલને કારણે કાળા ડાઘ પડતા હોવાથી ચોકકસ જગ્યાઓ પર દીવા મુકવામાં નહિં આવે. ત્યાં લાઈટો ગોઠવવામાં આવશે.

રામલલ્લાના મુખ્ય પૂજારી આચાર્ય સત્યેન્દ્ર દાસ દિવાળીનાં દિવસે અન્ય પુજારીઓ સાથે મળીને વૈદિક પદ્ધતિથી પૂજા કરશે.મંદિર સંકુલને લાઈટો અને ફૂલોથી શણગારવામાં આવશે.