તા.2 ફેબ્રુ.એ આરાધના ગ્રુપ- ઝાફર’સ ટીનું દસમું આઉટલેટ લજાઈ ચોકડીએ ઓપન થશે

ફૂટપાથથી લઈ ફાઈવ સ્ટાર ‘10’ આઉટલેટ સુધીની ઝાફર ચાની સફર

રાજકોટ-મોરબીને ભૂજ આવતાં જતાં મુસાફરો લજાઈ ચોકડીએ ઝાફર ચાની ચૂસ્કી માણી શકશે

ખાસ-ખબર ન્યૂઝ રાજકોટ

ચાના શોખીનો ઝાફર’સ ટીની ચૂસકી હવે મોરબીમાં પણ માણી શકશે. આરાધના ગ્રુપનું નવું સાહસ ઝાફર’સ ટીનું દસમું આઉટલેટ રાજકોટ-મોરબી હાઈવે, લજાઈ ચોકડી ખાતે ઓપન થશે. આગામી તા. 2 ને રવિવારના રોજ સાંજે પાંચ વાગ્યાથી હોનેસ્ટ હોટેલ, રાજકોટ-મોરબી હાઈવે, લજાઈ ચોકડી, મોરબી ખાતે ગ્રાન્ડ ઓપનીંગ થવા જઈ રહ્યું છે. આ તકે અતિથિવિશેષ તરીકે કિશોરભાઈ રાઠોડ, લાલેશભાઈ રાઠોડ અને ‘ખાસ-ખબર’ના એમ.ડી. પરેશભાઈ ડોડીયા સહિતના મહાનુભાવો હાજરી આપશે.

સૌરાષ્ટ્ર-કચ્છના ચા પ્રેમીઓને રાજકોટ-મોરબી- કચ્છ હાઈવે પર ઝાફર’સ ટી મળી રહેશે. રાજકોટની પ્રખ્યાત ઝાફર’સની ચાનું દસમું આઉટલેટ હોનેસ્ટ હોટેલમાં ઓપન થનાર છે. ચાના શોખીનોને અહીં માત્ર ચા જ નહીં પરંતુ અલગ અલગ પીણા અને ગરમાગરમ નાસ્તાની મોજ પણ માણી શકશે.

ફૂટપાથથી લઈને ફાઈવ સ્ટાર 10 આઉટલેટ સુધીની ઝાફર ચાની સફર અંગે વાત કરવામાં આવે તો 1974માં ડી. એચ. કોલેજના દરવાજા બહાર એક નાનકડા ટેબલ પર દિલાવરભાઈ અને જબારભાઈ ચા વેચતા હતા. આ રીતે આરાધના ચાની સફર શરૂ થઈ હતી. 2013 સુધીમાં આ ચા એટલી પ્રખ્યાત બની ગઈ કે તેને રેડ એફએમ તરફથી બેસ્ટ ચાનો એવોર્ડ પણ મળ્યો હતો. આમ એક બાદ એક સિદ્ધિના શિખરો સર કરતાં ઝાફરની ચા એક બ્રાન્ડનેમ બની ગયું છે. આજે પણ લોકો ઝાફરની ચા પીવા માટે આવતા હોય છે અને આરાધના ટીને લોકો ઝાફરની ચા તરીકે જ બોલાવે છે અને ઓળખે પણ છે. ઝાફરની ચા આજે ચાર દસકા બાદ શહેરના અયોધ્યા ચોક, બસ સ્ટોપ પાછળ, પુષ્કરધામ રોડ સહિતના સરનામે ફાઈવ સ્ટાર કહી શકાય તેવા ટી શોપ સુધી પહોંચી ગઈ છે.
આમ હવે આરાધના ગ્રુપનું નવું સાહસ ઝાફર’સ ટીનું દસમું આઉટલેટ રાજકોટ બહાર સૌરાષ્ટ્ર-કચ્છમાં શરૂ થઈ રહ્યું છે. આમ હવે રાજકોટ બહાર પણ સૌરાષ્ટ્ર-કચ્છને જોડતાં હાઈવે પર માણવા મળશે ચાના શોખીનોને ‘ઝાફર’સ’ ટીની ચૂસકીનો સ્વાદ. આમ આરાધના ગ્રુપ ઝાફર’સ ટીને તેમના દસમાં આઉટલેટની ભેટ સૌરાષ્ટ્ર-કચ્છના ચા પ્રેમીઓને આપી છે.