જામનગર રોડ પર ઓઇલ ઢોળાયું હોવાથી વાહનચાલકો લપસ્યા અને નાની મોટી ઇજા થઇ, ટ્રાફિક જામ, જુઓ દ્રશ્યો

શહેરના જામનગર રોડ પર સાંઢિયા પુલ નીચે આજે સવારે એક ટેન્કરમાંથી ઓઇલ ઢોળાવવાના કારણે અનેક વાહન ચાલકો સ્લિપ થયા હતાં. હાલ પોલીસ અને ફાયરબ્રિગેડનો સ્ટાફ ઘટના સ્થળે પહોંચ્યો હતો.

જામનગર રોડ પર આજે બપોરે એકાએક ઓઇલ ઢોળાતા 1 કિમિ સુધીનો રોડ ઓઇલવાળો થઇ ગયો હતો. ઓઇલ રસ્તા પર ઢોળાવાથી અને વાહન વ્યવહાર ચાલુ હોવાથી બે રીક્ષા સ્લીપ થઇ હતી. તો એક એકટીવા સવાર મહિલા પણ સ્લીપ થયા હતા.

આજે સવારે ટેન્કરમાંથી મોટી માત્રામાં ઓઇલ ઢોળાવવાના કારણે રોડ સ્લિપી બની ગયો હતો. જેના કારણે રિક્ષા, એક્ટીવા સહિતના અનેક વાહન ચાલકો રોડ પર સ્લિપ થયા હતા. ફાયર બ્રિગેડ શાખાના અધિકારીઓને જાણ કરવામાં આવતા તેઓએ તાત્કાલીક ઘટના સ્થળે પહોંચ્યા હતા કોઇ વાહન ચાલકને વધુ ઇજા પહોંચી હોવાના સમાચારો પ્રાપ્ત થયા નથી.