કાશ્મીર મામલે OIC દખલ ન કરે, તે અખંડ ભારતનો ભાગ: ઇસ્લામિક દેશોના સંગઠનના મહાસચિવને ભારતની ફટકાર

– પીઓકેની મુલાકાતે આવેલા ઓઆઈસીના મહાસચિવે કાશ્મીરને વિવાદી મુદ્દો કહ્યો હતો

ઇસ્લામિક દેશોનાં સંગઠન-ઓર્ગેનાઇઝેશન ઓફ ઇસ્લામિક કો ઓપરેશન ઓઆઈસીના મહાસચિવ હિએન બ્રાહિમ તાહાએ સોમવારે પીઓકે-પાક. કબજાગ્રસ્ત કાશ્મીરની મુલાકાત વખતે એવું બયાન આપ્યું હતું કે કાશ્મીર વિવાદ ઓઆઈસીનાં એજન્ડામાં સર્વોચ્ચ પ્રાથમિકતા પર છે. જેની ભારતે કડક શબ્દોમાં આલોચના કરી હતી. વિદેશ મંત્રાલયે ઓઆઈસીને ચેતવણી આપી હતી

કે અમારા મામલામાં દખલ ના કરો. વિદેશ મંત્રાલયના પ્રવક્તા અરિંદમ બાગચીએ એક નિવેદનમાં જણાવ્યું હતું કે ઓઆઈસીનું જમ્મુ-કાશ્મીરના મુદ્દા સાથે કંઇ લેવા દેવા નથી, જમ્મુ-કાશ્મીર ભારતનો અખંડ ભારતનો ભાગ છે.

ભારતના આંતરિક મામલામાં ઓઆઈસી દખલ ના દે. ઓઆઈસીના મહાસચિવ દુર્ભાગ્યે પાકિસ્તાનના પ્રવક્તા બની ગયા છે.