IPLમાં હવે અશ્લીલ ગીતો નહીં વાગે : બોર્ડનો આદેશ

IPL મેચ દરમિયાન સ્ટેડિયમમાં ડીજે પર અભદ્ર અને અશ્લિલ ગીતો વગાડવામાં આવશે નહીં. બીસીસીઆઈએ આઈપીએલ માટે જવાબદાર લોકોને ઠપકો આપ્યો છે અને આવા ગીતો ન વગાડવાનો નિર્દેશ આપ્યો છે. બીસીસીઆઈએ સ્ટેડિયમના ડીજે ટ્રેક પરથી આવા ગીતોને તાત્કાલિક દૂર કરવાની સૂચના આપી છે. બીસીસીઆઈના ઉપાધ્યક્ષ રાજીવ શુક્લાએ એનબીટી સાથે વાત કરતા આ માહિતી આપી હતી.તેમણે કહ્યું કે, સ્ટેડિયમમાં વગાડવામાં આવનારા ગીતોની યાદીમાંથી આવા ગીતોને હટાવી દેવામાં આવ્યા છે. આના પર પૂર્વ અને વર્તમાન દિગ્ગજ ક્રિકેટરો ઉપરાંત લખનૌ લિટરરી ફોરમ, લખનૌના સાહિત્યકારો, ધારાસભ્યો અને રાજકીય હસ્તીઓએ નારાજગી વ્યક્ત કરી હતી.આઈપીએલ મેચમાં અભદ્ર અને અશ્લિલ ગીતો વગાડવામાં આવતા હોવાનો મુદ્દો શહેરના સાહિત્યકારો દ્વારા ઉઠાવવામાં આવ્યો હતો. લખનૌ લિટરરી ફોરમે આ અંગે નારાજગી અને ચિંતા વ્યક્ત કરતા ડીએમ વિશાખ જીને એક મેમોરેન્ડમ સુપરત કર્યું હતું.