પૂર્વોત્તરના ત્રણ રાજ્યો ત્રિપુરા, મેઘાલય અને નાગાલેન્ડમાં ફેબ્રુઆરીમાં વિધાનસભા ચૂંટણી 2023 માટે મતદાન થયું હતું. ત્રિપુરામાં 16 ફેબ્રુઆરીએ અને નાગાલેન્ડ અને મેઘાલયમાં 27 ફેબ્રુઆરીએ ચૂંટણી યોજાઈ હતી. ત્રણેય રાજ્યોના ચૂંટણી પરિણામો આજે જાહેર થશે.
આજે ત્રણેય રાજ્યોની વિધાનસભા ચૂંટણીના પરિણામો જાહેર થશે. પૂર્વોત્તરના ત્રણ રાજ્યોમાં કુલ 180 વિધાનસભા મતવિસ્તારોમાં ચૂંટણી યોજાઈ હતી. નોંધનીય છે કે, ત્રિપુરામાં હાલમાં ભાજપના મુખ્યમંત્રી છે, જ્યારે નાગાલેન્ડમાં નેશનાલિસ્ટ ડેમોક્રેટીક પ્રોગ્રેસિવ પાર્ટી (NDPP) અને મેઘાલયમાં નેશનલ પીપલ્સ પાર્ટી (NPP)ની સરકારો છે.
- Advertisement -
#TripuraElection2023 | As per ECI, BJP leading on 12 seats, Congress leading on three seats, Communist Party of India (Marxist) and Tipra Motha Party leading on two seats each
Counting of votes underway pic.twitter.com/0hhduRCVcm
— ANI (@ANI) March 2, 2023
- Advertisement -
મેઘાલયમાં 3 લેયરની સુરક્ષા વ્યવસ્થા
મેઘાલયમાં 13 મતગણતરી કેન્દ્રો છે. તેમાંથી 12 જિલ્લા મુખ્યાલયમાં તો જ્યારે 1 અન્ય સોહરા સબડિવિઝનમાં બનાવવામાં આવ્યું છે. 3 લેયરની સુરક્ષા વ્યવસ્થા કરવામાં આવી છે, જેમાં સૌથી અંદર અને પહેલા લેયર પર CAPF નજર રાખી રહ્યું છે. આ ઉપરાંત બીજા અને ત્રીજા લેયરની દેખરેખની જવાબદારી રાજ્ય સશસ્ત્ર પોલીસ દળને સોંપવામાં આવી છે. કુલ 383 રાઉન્ડમાં મત ગણતરી થશે. મતગણતરીમાં પ્રથમ 30 મિનિટ સુધી પોસ્ટલ બેલેટથી ગણતરી કરવામાં આવશે.
ત્રિપુરામાં 60 સીટો પર 81 ટકાથી વધારે થયું હતું મતદાન
ત્રિપુરાની 60 વિધાનસભા સીટો પર 16 ફેબ્રુઆરીએ સાંજે 4 વાગ્યા સુધી 81.1 ટકા મતદાન નોંધાયું હતું. આ વખતે કુલ 259 ઉમેદવારો ચૂંટણીના મેદાનમાં છે. મુખ્ય ચૂંટણી અધિકારી (CEO) ગિટ્ટે કિરણકુમાર દિનકારોએ જણાવ્યું હતું કે 3,337 મતદાન મથકો પર મતદાન થયું હતું. આ મતદાન મથકોમાંથી 1,100ની ઓળખ સંવેદનશીલ અને 28ની અતિસંવેદનશીલ તરીકે થઈ હતી.
#MeghalayaElections | National People's Party leading on 11 seats, United Democratic Party leading on 4 seats, BJP and Congress leading on 3 seats each and All India Trinamool Congress leading on 2 seats pic.twitter.com/ABqh4P3ToK
— ANI (@ANI) March 2, 2023
મેઘાલયમાં 74.32% થયું હતું મતદાન
મેઘાલયની 60 વિધાનસભા સીટોમાંથી 59 વિધાનસભા બેઠકો પર મતદાન થયું હતું. અહીં 21.6 લાખ મતદારો 369 ઉમેદવારોના ભાવિનો નિર્ણય કરશે. જેમાંથી 36 મહિલાઓ છે. અહીં 27 ફેબ્રુઆરીએ 74.32% મતદાન થયું હતું. અહીં તૃણમૂલ કોંગ્રેસ અને અન્ય પ્રાદેશિક પક્ષોએ ચૂંટણીમાં ઝંપલાવ્યું છે. મુખ્ય ચૂંટણી અધિકારી એફ.આર ખારકોન્ગોરના જણાવ્યા અનુસાર, રાજ્યમાં 3,419 મતદાન મથકો હતા. તેમાંથી 640 ‘અસુરક્ષિત’ અને 323 ‘સંવેદનશીલ’ શ્રેણીમાં હતા.
નાગાલેન્ડમાં 183 ઉમેદવારો મેદાનમાં
નાગાલેન્ડ વિધાનસભા ચૂંટણીમાં 183 ઉમેદવારોએ પોતાનું નસીબ અજમાવ્યું છે. અહીં 59 બેઠકો પર વિધાનસભાની ચૂંટણી યોજાઈ છે. અહીં 13 લાખથી વધુ મતદારો છે. અહીં 82.42% મતદાન થયું હતું.
#NagalandAssemblyElections2023 | Nationalist Democratic Progressive Party leading on 11 seats, BJP won one seat and leading on 3 seats
Janata Dal (United), Lok Janshakti Party(Ram Vilas)Nationalist Congress Party & Republican Party of India (Athawale) leading on one seat each pic.twitter.com/wtAfPGYMel
— ANI (@ANI) March 2, 2023
ત્રિપુરામાં ભાજપ સૌથી મોટી પાર્ટી
ત્રિપુરામાં ચૂંટણી પંચના આંકડા મુજબ, ભાજપ 28 બેઠકો પર આગળ છે, ત્રિપુરા મોથા પાર્ટી 11 બેઠકો પર, કોંગ્રેસ 6 બેઠકો પર આગળ ચાલી રહી છે અને ભારતીય કમ્યુનિસ્ટ પાર્ટી (માર્કસવાદી) 11 બેઠકો પર આગળ છે. હજુ મતગણતરી ચાલુ છે.
ત્રિપુરામાં ભાજપ 34 સીટો પર આગળ છે
વલણમાં ત્રિપુરામાં ભાજપને 34 સીટો પર લીડ મળી રહી છે. એટલે કે પાર્ટીએ બહુમતનો આંકડો પાર કરી લીધો છે. જ્યારે ડાબેરીઓ 13, ટીએમપી 12 સીટો પર આગળ છે.
મેઘાલય ચૂંટણી પરિણામો: TMC મળી રહી છે 7 સીટો
મેઘાલયના ચૂંટણી વલણોમાં TMCને સાત બેઠકો જ મળી રહી છે. NPP અહીં સૌથી મોટી પાર્ટી બનતી લાગી રહી છે. NPP અહીં 25 સીટો પર આગળ છે.
#TripuraElection2023 : चुनाव आयोग के आंकड़ों के अनुसार भाजपा 28 सीटों पर, त्रिपरा मोथा पार्टी 11 सीटों पर, कांग्रेस 6 सीटों पर आगे चल रही है और भारतीय कम्युनिस्ट पार्टी (मार्क्सवादी) 11 सीटों पर आगे चल रही है। मतों की गिनती अभी जारी है। pic.twitter.com/FxiTNgLlS5
— ANI_HindiNews (@AHindinews) March 2, 2023
નાગાલેન્ડમાં NPFને સૌથી મોટું નુકસાન
નાગાલેન્ડના અત્યાર સુધીના વલણો દર્શાવે છે કે NDPP અને BJPના ગઠબંધનને 10 બેઠકોનો ફાયદો થઈ રહ્યો છે જ્યારે NPFને 21 બેઠકોનું ભારે નુકસાન થઈ રહ્યું છે. કોંગ્રેસને અહીં એક સીટનો ફાયદો જોવા મળી રહ્યો છે જ્યારે અન્યને 10 બેઠકોનો ફાયદો જોવા મળી રહ્યો છે.
ત્રિપુરામાં ઝડપથી બદલાઈ રહ્યું છે ગણિત
ત્રિપુરામાં રાજકીય ગણિત ઝડપથી બદલાઈ રહ્યું છે. શરૂઆતના વલણમાં ભાજપ 40 સીટો પર આગળ હતું. પરંતુ અત્યાર સુધીના વલણોમાં ભાજપ 30 સીટો પર આગળ છે. રાજ્યમાં બહુમત માટે 31 સીટોની જરૂર છે.
મેઘાલય ચૂંટણી પરિણામો: કોંગ્રેસને મોટું નુકસાન
મેઘાલયમાં કોંગ્રેસને મોટું નુકસાન થતું દેખાઈ રહ્યું છે. કોંગ્રેસે ગત ચૂંટણીમાં અહીં 21 બેઠકો જીતી હતી. આજના વલણમાં પાર્ટી 6 સીટો જીતતી જોવા મળી રહી છે.
નાગાલેન્ડ ચૂંટણી પરિણામો: ભાજપને સ્પષ્ટ બહુમતી મળવાની શક્યતા
નાગાલેન્ડમાં ભાજપને સ્પષ્ટ બહુમતી મળતી દેખાઈ રહી છે. અહીં ભાજપ 60માંથી 50 સીટો પર આગળ છે. NPFને અહીં 6 બેઠકો મળી રહી છે જ્યારે કોંગ્રેસ એક પર આગળ છે. અપક્ષ ઉમેદવારોએ ત્રણ પર લીડ બનાવી છે.
