મિડટાઉન મેનહટનમાં ગોળીબાર થયો. આ ઘટના પાર્ક એવન્યુ પર એક ગગનચુંબી ઇમારતની અંદર બની હતી. ઘણા લોકો ઘાયલ થયા હતા. બંદૂકધારીને તટસ્થ કરવામાં આવ્યો હતો. પાંચ લોકો માર્યા ગયા હતા, જેમાં એક પોલીસ અધિકારી અને ગોળીબાર કરનારનો સમાવેશ થાય છે. શંકાસ્પદ વ્યક્તિ પાસે રાઇફલ હતી અને તેણે બુલેટપ્રૂફ વેસ્ટ પહેર્યો હતો. કારણ તપાસ હેઠળ છે. FBI ન્યૂ યોર્ક પોલીસ વિભાગને મદદ કરી રહી છે.
અમેરિકામાં ફરી એકવાર ગોળીબારની ઘટના બની છે. સોમવારે (28 જુલાઈ) ન્યૂયોર્કના સેન્ટ્રલ મેનહટનમાં એક વ્યક્તિએ અંધાધૂંધ ગોળીબાર કર્યો, જેમાં 4 લોકોના મોત થયા છે. આ ઘટનામાં એક પોલીસ અધિકારીએ પણ જીવ ગુમાવ્યો હતો. મહત્ત્વની વાત એ છે કે, હુમલો કરનાર વ્યક્તિ પોતે પણ માર્યો ગયો છે. પોલીસે જણાવ્યું કે તેણે પોતાની જાતને ગોળી મારીને આત્મહત્યા કરી હતી.
- Advertisement -
અમેરિકામાં ગોળીબારની ઘટનામાં 5 લોકોના મોત
પોલીસના જણાવ્યા અનુસાર, 27 વર્ષીય શેન તામુરા નામનો શખ્સ સાંજે લગભગ 6.30 વાગ્યે બંદૂક સાથે એક 44 માળની બિલ્ડિંગમાં ઘૂસ્યો હતો. બિલ્ડિંગની અંદર પહોંચતા જ તેણે અંધાધૂંધ ફાયરિંગ શરૂ કરી દીધું, જેમાં 4 લોકોનાં મોત થયાં. આ પછી, તે વ્યક્તિએ પોતાને પણ ગોળી મારી લીધી અને ઘટનાસ્થળે જ તેનું મોત થયું. શને તામુરા લાસ વેગાસનો રહેવાસી હતો અને હુમલાખોર પાસે હેન્ડગન રાખવાનું લાયસન્સ પણ હતું.
આ વર્ષે અમેરિકામાં 254 વખત ગોળીબારની ઘટનાઓ બની
- Advertisement -
ગન વાયોલન્સ આર્કાઇવના આંકડા મુજબ, મિડટાઉન મેનહટનની ઇમારતમાં થયેલો ઘાતક ગોળીબાર આ વર્ષે અમેરિકામાં સામાન્ય નાગરિકોને નિશાન બનાવવામાં આવ્યો હોય તેવી 254મી ઘટના છે.
