મનપા સુરતની સરદાર વલ્લભભાઈ પટેલ ઇન્સ્ટિટયૂટ ઑફ ટેક્નોલોજીની મદદ લેશે
ખાસ-ખબર ન્યૂઝ મોરબી, તા.21
મોરબી મહાનગરપાલિકા શહેરના વિવિધ વિસ્તારોમાં આવેલા મુખ્ય રોડ પરના સર્કલની રિ ડિઝાઈન અને ડેવલપમેન્ટ કરવા માટેની કામગીરી કરી રહી છે. આ માટે મનપા દ્વારા સુરતની સરદાર પટેલ ઇન્સ્ટીટ્યૂટ ઓફ ટેક્નોલોજીના સ્ટુડન્ટ અને પ્રોફેસરની મદદ લઈ રહ્યું છે અને આ તમામ સર્કલ વધુ સારા અને ઉપયોગી સાબિત થઈ શકે તેવા પ્રયાસો કરવામાં આવી રહ્યા છે. મોરબી મહાનગર પાલિકા બન્યા બાદ તેજ ગતિએ શહેરની શકલ સુરત બદલવાના પ્રયાસ થઈ રહ્યા છે. મનપા તંત્ર અલગ અલગ કામગીરી માટે ઝડપથી અલગ અલગ એજન્સીઓ પાસે કામની ડિઝાઇન એસ્ટિમેટ તેમજ ટેન્ડર પ્રકિયા કરી રહી છે.
- Advertisement -
તાજેતરમાં શહેરમા રોડ રસ્તા સફાઈ પાર્કિંગ તેમજ નવી ભળેલી પંચાયતોની હદમાં આવતા રોડ ના કબજે લેવા તજવીજ હાથ ધરી છે. આ ઉપરાંત મહા નગર પાલિકા દ્વારા શહેરના મુખ્ય માર્ગ પર આવેલા ટ્રાફિક જામ સર્જાતા સર્કલની કાયાપલટ કરવા જઈ રહી છે. હાલ મોરબી શહેરના મોટાં ભાગના સર્કલ સાંકડા હોવાની સાથે યોગ્ય ડિઝાઇન મુજબ ન હોવાથી ટ્રાફિક જામની સમસ્યા નું કેન્દ્ર પણ બની રહ્યા છે ત્યારે મહા નગર પાલિકા દ્વારા સુરતની સરદાર વલ્લભભાઈ પટેલ ઇન્સ્ટીટ્યૂટ ઓફ ટેક્નોલોજીના સ્ટુડન્ટ અને પ્રોફેસર પાસે શહેરના મહત્વના 10 સર્કલની ડિઝાઇન તૈયાર કરાવી રહી છે
આ સંસ્થા ની ટીમ તમામ સર્કલ ની મુલાકાત લઈ સર્કલ ની માહિતી મેળવી તેને કેવી રીતે ડેવલપ કરી શકાય કે જેના થકી ભવિષ્યમાં ટ્રાફિક જામ ની સમસ્યા ઓછી કરી શકાય તે માટે જરૂૂર પડે ટ્રાફિક સિગ્નલ મૂકવામાં આવશે. સાથે સાથે શહેરની સુંદરતામાં પણ વધારો કરી શકાય તે માટે બ્યુટીફિકેશનની પ્રકિયા હાથ ધરાઇ છે.
મનપા બન્યા પછી એક સમયનું સૌરાષ્ટ્રનું પેરિસ ગણાતું મોરબી એક નહીં અનેક સમસ્યાનો સામનો કરી રહ્યું છે ત્યારે ધીમે ધીમે રસ્તા, સફાઇ, પાણી, ટ્રાફિક સહિતની સમસ્યાઓનો ક્રમશ: ઉકેલ આવશે તેવી અત્યારની તૈયારી પરથી લાગી રહ્યું છે અને તે માટે મનપાએ નક્કર આયોજન ઘડી કાઢ્યું છે.
