વાંકાનેર બાઉન્ડ્રી નજીકથી બે પિસ્તોલ અને પાંચ કાર્ટિસ સાથે એકને ઝડપી લેતી મોરબી SOG

ખાસ-ખબર સંવાદદાતા
મોરબીમાં ગેરકાયદેસર હથિયારો સાથે રાખતા અને અસામાજીક પ્રવૃત્તિઓ કરતા ઈસમો સામે કાર્યવાહી કરવા મોરબી પોલીસની સ્પેશિયલ ઓપરેશન ગ્રુપની ટીમ પેટ્રોલીંગમાં હતી તે દરમિયાન એસઓજીના પીએસઆઈ એમ. એસ. અંસારીને બાતમી મળી હતી કે, વાંકાનેર બાઉન્ડ્રી પાસેના ઓવરબ્રિજ નીચે એક શખ્સની થેલીમાં પિસ્તોલ જેવું હથિયાર અને તેના કાર્ટીસ છે જે બાતમીને આધારે વોચ ગોઠવી શંકાસ્પદ ઈસમ એવા બબલુ કાલુસીંગ વાસકેલ, રહે. બીલાક કોલોની, બારીયા ગ્રામ પંચાયત, તા.ગંધવાની જી.ધાર રાજ્ય. મધ્યપ્રદેશવાળાને ઝડપી પાડીને તલાશી લેતા બબલુના કબ્જામાંથી દેશી બનાવટની બે ગેરકાયદેસર પિસ્તોલ કિંમત રૂપિયા 20 હજાર તથા 5 જીવતા કાર્ટીસ કિંમત રૂપિયા 500 મળી આવતા આરોપી બબલુને અટકાયતમાં લઈ વાંકાનેર તાલુકા પોલીસ મથકમાં આર્મ્સ એકટ અન્વયે ગુન્હો નોંધાવીને કાયદેસરની કાર્યવાહી હાથ ધરવામાં આવી હતી.