MP-UP સહિત 5 રાજ્યોમાં આગામી 5 દિવસ સુધી હીટવેવ રહેશે
ખાસ-ખબર ન્યૂઝ મુંબઇ, તા.10
- Advertisement -
ઉત્તર ભારતમાં મધ્યપ્રદેશ-ઉત્તર પ્રદેશ, દિલ્હી, હરિયાણા, ગુજરાત, બિહાર હીટવેવનો સામનો કરી રહ્યા છે. પ્રયાગરાજ 9 જૂને 45.9ઓ સાથે સૌથી ગરમ હતું. તેમજ, ટીકમગઢ, ગયા અને રોહતકમાં પારો 44 ડિગ્રી નોંધાયો હતો. 13 જૂન સુધી જમ્મુ ડિવિઝન, હિમાચલ પ્રદેશ, ઉત્તરાખંડ, દિલ્હી, પશ્ર્ચિમ રાજસ્થાન અને મધ્ય પ્રદેશમાં પણ હીટવેવ રહી શકે છે. હવામાન વિભાગના જણાવ્યા અનુસાર પંજાબ, હરિયાણા, બિહાર, ઝારખંડ અને પશ્ર્ચિમ બંગાળના દરિયાકાંઠાના વિસ્તારોમાં 13 જૂન સુધી હીટવેવની શક્યતા છે. ઉપરાંત, 11 અને 12 જૂને ઓડિશાને હીટવેવ અસર કરશે.
ચોમાસું નિર્ધારિત સમય કરતાં 2 દિવસ વહેલું મુંબઈ પહોંચ્યું હતું. જેના કારણે મુંબઈમાં ભારે વરસાદ પડ્યો હતો. ઈંખઉએ મહારાષ્ટ્રના સિંધુદુર્ગમાં ભારે વરસાદ માટે રેડ એલર્ટ, રત્નાગીરી માટે ઓરેન્જ એલર્ટ અને પાલઘર, થાણે, મુંબઈ અને રાયગઢ માટે યલો એલર્ટ જાહેર કર્યું છે. ચોમાસું 8 જૂનને શનિવારે છત્તીસગઢ અને ઓડિશામાં પ્રવેશ્ર્યું છે. હવે 8 દિવસ બાદ ચોમાસું જબલપુર, બાલાઘાટ થઈને મધ્યપ્રદેશમાં પ્રવેશ કરી શકે છે. સામાન્ય રીતે ચોમાસું મુંબઈ પહોંચ્યા પછી 5 દિવસમાં એમપી પહોંચે છે.ઈંખઉએ 10 જૂને કોંકણ, ગોવા, મહારાષ્ટ્ર, કોસ્ટલ કર્ણાટકમાં ભારે વરસાદની ચેતવણી આપી છે.11 અને 12 જૂને ગુજરાતના અનેક જિલ્લાઓમાં વરસાદની સંભાવના છે. ગુજરાતમાં ચોમાસાના આગમનની નિશ્ર્ચિત તારીખ 15 જૂન છે. તે સમય પહેલા પહોંચે તેવી શક્યતાઓ છે. બંગાળની ખાડીના ચોમાસાની શાખા 13-14 જૂન સુધી વેગ પકડશે અને પશ્ર્ચિમ બંગાળ, ઝારખંડ અને બિહાર સુધી પહોંચશે.
હરિયાણામાં 4 દિવસથી હીટવેવ, તમામ જિલ્લામાં એલર્ટ
હરિયાણામાં ફરી એકવાર આકરી ગરમી શરૂ થઈ ગઈ છે. આ વખતે પશ્ર્ચિમના રણમાંથી આવતા ગરમ પવનોને કારણે આકરી ગરમી પડી રહી છે. હવામાન વિભાગે આગામી 4 દિવસ સુધી ગરમીનું મોજું યથાવત રહેવાની આગાહી કરી છે. જેના કારણે રાજ્યમાં 14 જૂન સુધી હીટવેવનું યલો એલર્ટ જારી કરવામાં આવ્યું છે. આ સમયગાળા દરમિયાન 40 થી 50 કિલોમીટર પ્રતિ કલાકની ઝડપે ગરમ
પવન ફૂંકાશે.
- Advertisement -
ઝારખંડના બે જિલ્લામાં ઓરેન્જ એલર્ટ અને 12 જિલ્લામાં યલો એલર્ટ
ઝારખંડના અનેક જિલ્લાઓ ફરી એકવાર આકરી ગરમીની ઝપેટમાં આવી ગયા છે. રાજ્યના ઘણા ભાગોમાં તાપમાન 40 ડિગ્રી સેલ્સિયસને પાર કરી રહ્યું છે. રાજ્યના પલામુ વિસ્તારમાં સૌથી વધુ ગરમી પડી રહી છે. હવામાન વિભાગે આજથી 15 જૂન સુધી હીટ વેવનું એલર્ટ જાહેર કર્યું છે. રાજ્યના ગઢવા અને પલામુ જિલ્લામાં હીટ વેવને લઈને ઓરેન્જ એલર્ટ જાહેર કરવામાં આવ્યું છે.