પ્રધાનમંત્રી મોદીએ પ્રયાગરાજમાં સૂતેલા હનુમાનજીની કરી પૂજા અર્ચના

પ્રયાગરાજમાં ગંગાના કિનારે આવેલું સૂતેલા હનુમાનજીનું મંદિર

પ્રયાગરાજમાં આ મંદિર અકબરના કિલ્લા પાસે ગંગાના કિનારે છે. અહીં હનુમાનજીની 20 ફૂટ ઊંચી દક્ષિણમુખી પ્રતિમા છે. આ પ્રતિમા જમીનથી લગભગ 7 ફૂટ નીચે છે. તેમના ડાબા હાથમાં ગદા અને જમણા હાથમાં રામ-લક્ષ્મણ છે. એવું કહેવાય છે કે અહિરાવણ હનુમાનજીના ડાબા પગ નીચે અને કામદા દેવી તેમના જમણા પગ નીચે દટાયેલા છે.

માતા જાનકીની સલાહથી આરામ લીધો!

સંગમ શહેરમાં આવેલું હનુમાન મંદિર કિલ્લા હનુમાનજી, બડે હનુમાનજી, દામ વાલે હનુમાનજી અને લેટે હનુમાનજી તરીકે પણ ઓળખાય છે. આ મંદિર લગભગ 600 વર્ષ જૂનું માનવામાં આવે છે. એવું માનવામાં આવે છે કે, જ્યારે હનુમાનજી લંકા જીતીને પરત ફરી રહ્યા હતા ત્યારે તેમને રસ્તામાં ખૂબ જ થાક લાગવા લાગ્યો હતો. તેમને થાકેલા જોઈને માતા સીતાએ તેમને થોડો સમય આરામ કરવા કહ્યું. માતા જાનકીની સલાહ પર હનુમાનજી સંગમના કિનારે ગંગાના કિનારે આડા પડ્યા. બાદમાં તે જ જગ્યાએ હનુમાનજીનું મંદિર બનાવવામાં આવ્યું હતું.