શ્રી રામ જન્મભૂમિ તીર્થ ક્ષેત્ર સ્થળનું નિરીક્ષણ કરશે: વિકાસ કાયોની ભેંટ પણ આપશે
ખાસ-ખબર સંવાદદાતા
વડાપ્રધાન નરેન્દ્ર મોદી દિવાળીની પૂર્વ સંધ્યાએ રવિવારે અયોધ્યામાં હશે. તેઓ રામ લલ્લા વિરાજમાનને પ્રાર્થના કરશે અને રામજન્મભૂમિ તીર્થક્ષેત્રમાં ચાલી રહેલા વિકાસ કાર્યોની સમીક્ષા પણ કરશે. વડા પ્રધાન કાર્યાલય (ઙખઘ)એ જણાવ્યું હતું કે, ઙખ મોદી લગભગ 5.45 વાગ્યે ભગવાન રામનો રાજ્યાભિષેક કરશે અને તે પછી તેઓ સરયૂ નદીના કિનારે બનેલા નવા ઘાટ પર આરતી પણ કરશે અને દીપોત્સવની ઉજવણીમાં ભાગ લેશે. અયોધ્યામાં આ છઠ્ઠી વખત છે જ્યારે દીપોત્સવની ઉજવણી કરવામાં આવી રહી છે. આ કાર્યક્રમમાં પ્રથમ વખત વડાપ્રધાન વ્યક્તિગત રીતે ભાગ લેશે. આ પ્રસંગે અયોધ્યામાં 15 લાખ દીવાઓ પ્રગટાવવામાં આવશે.
પીએમએઓએ જણાવ્યું હતું કે, દીપોત્સવ દરમિયાન વિવિધ રાજ્યોના વિવિધ નૃત્ય સ્વરૂપો સાથે પાંચ એનિમેટેડ ફ્લોટ્સ અને 11 રામલીલા ટેબ્લોક્સ પણ પ્રદર્શિત કરવામાં આવશે. વડા પ્રધાન સરયુ નદીના કિનારે રામ કી પૈડી ખાતે ભવ્ય મ્યુઝિકલ લેસર શો તેમજ 3-ડી હોલોગ્રાફિક પ્રોજેક્શન મેપિંગ શોના સાક્ષી પણ બનશે.
હકીકતમાં, વડાપ્રધાન નરેન્દ્ર મોદી દિવાળીના એક દિવસ પહેલા એટલે કે 23 ઓક્ટોબર, રવિવારે રામનગરી અયોધ્યામાં દીપોત્સવ કાર્યક્રમમાં હાજરી આપશે. મીડિયા રિપોર્ટ્સ અનુસાર પીએમ મોદી આ દરમિયાન રામનગરી અયોધ્યાને મોટી ભેટ આપી શકે છે. માનવામાં આવી રહ્યું છે કે પીએમ મોદી અયોધ્યામાં લગભગ ચાર હજાર કરોડના ખર્ચની 66 પ્રોજેક્ટનું ઉદ્ઘાટન કરશે.
આ દરમિયાન પીએમ મોદી શ્રી રામ જન્મભૂમિ તીર્થસ્થળનું પણ નિરીક્ષણ કરશે. આ સાથે રામલલાના દર્શન અને પૂજા પણ થશે. આ સાથે વડાપ્રધાન પ્રતિકાત્મક ભગવાન શ્રી રામનો રાજ્યાભિષેક પણ કરશે.
આ પછી, તેઓ રામનગરીમાં ભવ્ય દીપોત્સવની ઉજવણીનો પ્રારંભ કરશે. આ ઉપરાંત પીએમ મોદી સરયુ નદીના નવા ઘાટ પર આરતી, 3-ડી હોલોગ્રાફિક પ્રોજેક્શન મેપિંગ શો પણ જોશે.
