મહેંદીમાં મતદાનનો રંગ: આંગણવાડીમાં મહેંદી સ્પર્ધાથી મતદાન જાગૃતિ

વિસાવદર વિધાનસભા મતવિસ્તારની પેટા ચૂંટણી માટે તા.19 જૂને મતદાન થવાનું છે. ત્યારે લોકોમાં મતદાન જાગૃતિ વધે એ અર્થે વિસાવદર વિધાનસભા મતવિસ્તારમાં આઈ. સી. ડી.એસ. શાખા, જિલ્લા પંચાયત જૂનાગઢ હેઠળ કાર્યરત આંગણવાડી કેન્દ્રો માં “મતદાન જાગૃતિ મહેંદી સ્પર્ધા”નું આયોજન કરવામાં આવ્યુ છે. આંગણવાડી ખાતે કિશોરીઓ દ્વારા મતદાન જાગૃતિને લગત સ્લોગનની સુંદર મહેંદી બનાવી લોકોમાં મતદાન જાગૃતિ માટે પ્રયાસ કરવામાં આવેલ છે. લોકશાહીના આ પર્વને વધુ રૂડું બનાવવા માટે બહેનોએ પણ પોતાના હાથે કલાત્મક મૂકી, અચૂક મતદાન કરવાનો પ્રેરક સંદેશ આપ્યો છે. જિલ્લા કલેકટરના માર્ગદર્શનમાં ચૂંટણી તંત્ર દ્વારા વિસાવદર વિધાનસભા મતવિસ્તારની પેટા ચૂંટણી માટે જરૂરી પૂર્વ તૈયારીઓ અને કામગીરી કરવામાં આવી રહી છે, ત્યારે તા.19 જૂનના રોજ દરેક મતદાતા પોતાના મતાધિકારનો ઉપયોગ કરવાનું ચૂકે નહીં, અને નાગરિકો પોતાના અમૂલ્ય મત આપવા માટે જાગૃત તો બને તે માટે પણ મહેંદી સ્પર્ધા સહિતના રચનાત્મક પ્રયાસો કરવામાં આવી રહ્યા છે.