રાજકોટ જિલ્લાનુ તા.૦૭-૦૭ થી તા. ૧૧-૦૭-૨૦૨૧ દરમ્યાન હવામાન મહતમ તાપમાન ૩૯ ડીગ્રી સેલ્શીયસ જેટલું અને લઘુતમ તાપમાન ૨૮ ડીગ્રી સેલ્શીયસ જેટલું રહેવાની સંભાવના
રાજકોટ – ભારત સરકારના ગ્રામીણ કૃષિ હવામાન સેવા વિભાગ, જુનાગઢ કૃષિ યુનિવર્સીટી, તરઘડીયા હવામાન ખાતા તરફથી મળેલ માહિતી અનુસાર રાજકોટ જીલ્લામાં આગામી તા.૦૭-૦૭-૨૦૨૧ થી તા. ૧૧-૦૭-૨૦૨૧ દરમ્યાન હવામાન ગરમ, ભેજવાળું અને વાદળછાયું રહેશે અને હાલ સારા વરસાદ થવાની શક્યતા નથી.
આ સમય ગાળામાં મહતમ તાપમાન દિવસ દરમ્યાન ૩૬-૩૯ ડીગ્રી સેલ્શીયસ જેટલું તેમજ લઘુતમ તાપમાન રાત્રી દરમ્યાન ૨૭-૨૮ ડીગ્રી સેલ્શીયસ જેટલું રહેવાની સંભાવના છે. તેમજ મહત્તમ અને લઘુત્તમ ભેજનું પ્રમાણ અનુક્રમે ૬૬-૭૦ અને ૩૩-૪૪ ટકા રહેશે. પવનની દિશા પશ્ચિમની રહેવાની અને પવનની ઝડપ ૨૩ થી ૨૬ કીમી/કલાક રહેવાની શક્યતા છે.
