સરકારને કોઈ ખતરો નથી, AFSPA હટાવવાની માગ: ખડગેએ કહ્યું- મણિપુર ન તો એક, ન તો સેફ
ખાસ-ખબર ન્યૂઝ રાજકોટ
- Advertisement -
મણિપુરમાં 3 મહિલાઓ અને 3 બાળકોના મૃતદેહ મળ્યા બાદ હિંસક વિરોધ પ્રદર્શન ચાલુ છે. દરમિયાન રાજ્યમાં ભાજપ સરકારનો હિસ્સો ધરાવતી નેશનલ પીપલ્સ પાર્ટીએ સમર્થન પાછું ખેંચવાની જાહેરાત કરી છે. એનપીપીના 60 સભ્યોની મણિપુર વિધાનસભામાં 7 સભ્યો છે, જેઓ ભાજપ સરકારને ટેકો આપી રહ્યા હતા. ભાજપ પાસે 32 સભ્યો છે, જ્યારે બહુમતીનો આંકડો 31 છે. આવી સ્થિતિમાં સરકારને હાલ કોઈ ખતરો નથી. આ પહેલા ગૃહમંત્રી અમિત શાહ નાગપુરમાં ચાર રેલીઓ રદ કરીને દિલ્હી પરત ફર્યા છે. તેઓ રાજ્યની સુરક્ષા વ્યવસ્થાને લઈને બેઠક કરશે. તે જ સમયે, સેન્ટ્રલ રિઝર્વ પોલીસ ફોર્સ (CRPF)ના વડા અનીશ દયાલને પરિસ્થિતિનો તાગ મેળવવા માટે મોકલવામાં આવી રહ્યા છે.
દરમિયાન, રાજ્ય સરકારે કેન્દ્રને આર્મ્ડ ફોર્સિસ સ્પેશિયલ પાવર્સ એક્ટ (AFSPA) પાછો ખેંચી લેવા જણાવ્યું છે. હિંસાને કારણે, કેન્દ્ર સરકારે 14 નવેમ્બરે ઇમ્ફાલ પશ્ર્ચિમ, ઇમ્ફાલ પૂર્વ, જીરીબામ, કાંગપોકપી અને બિષ્ણુપુર જિલ્લાના સેકમાઇ, લમસાંગ, લમલાઇ, જીરીબામ, લીમાખોંગ અને મોઇરાંગ પોલીસ સ્ટેશન વિસ્તારોમાં અઋજઙઅ લાગુ કરી હતી.
16 નવેમ્બરે સીએમ એન બિરેન સિંહ અને 10 ધારાસભ્યોના ઘરો પર હુમલો કરવામાં આવ્યો હતો. બગડતી સ્થિતિને જોતા 5 જિલ્લામાં કર્ફ્યુ લગાવી દેવામાં આવ્યો છે અને 7 જિલ્લામાં ઈન્ટરનેટ સેવા બંધ કરી દેવામાં આવી છે.
દરમિયાન, કેટલાક મંત્રીઓ સહિત ભાજપના 19 ધારાસભ્યોએ વડાપ્રધાન કાર્યાલય (PMO)ને પત્ર લખીને બિરેન સિંહને હટાવવાની માગ કરી છે. સૂત્રોના જણાવ્યા અનુસાર જો આગામી બે-ત્રણ દિવસમાં સ્થિતિ વધુ વણસી તો રાજ્યમાં રાષ્ટ્રપતિ શાસન લાદવામાં આવી શકે છે. 16 નવેમ્બરે જીરીબામમાં બરાક નદીના કિનારેથી બે મહિલાઓ અને એક બાળકના મૃતદેહ મળી આવ્યા હતા. એવી શંકા છે કે 11 નવેમ્બરના રોજ જીરીબામથી કુકી આતંકવાદીઓએ તેનું અપહરણ કર્યું હતું. 11 નવેમ્બરે જ સુરક્ષા દળોએ બંદૂકધારી 10 આતંકવાદીઓને ઠાર કર્યા હતા. જ્યારે કુકી-જો સંગઠને આ 10 લોકોને ગ્રામ રક્ષક ગણાવ્યા હતા. 15 નવેમ્બરની રાત્રે પણ એક મહિલા અને બે બાળકોના મૃતદેહ મળી આવ્યા હતા.
કોંગ્રેસ અધ્યક્ષ મલ્લિકાર્જુન ખડગેએ કહ્યું- તમારી (ભાજપ) મણિપુરમાં ડબલ એન્જિનની સરકાર છે. ન તો મણિપુર એક છે, ન તો મણિપુર સેફ છે. મે 2023 થી તે અકલ્પનીય પીડા, વિભાજન અને વધતી હિંસામાંથી પસાર થઈ રહ્યું છે, જેણે તેના લોકોના ભવિષ્યને નષ્ટ કરી દીધું છે.
- Advertisement -
મણિપુરના 7 જિલ્લામાં ઈન્ટરનેટ પર પ્રતિબંધ અને 5માં કર્ફ્યુ
વિરોધને કારણે, મણિપુરના પાંચ ઘાટી જિલ્લાઓમાં કર્ફ્યુ લાદવામાં આવ્યો છે, જ્યારે શનિવારે સાંજે 5:15 વાગ્યાથી બે દિવસ માટે સાત જિલ્લાઓમાં ઇન્ટરનેટ પર પ્રતિબંધ મૂકવામાં આવ્યો છે. આ જિલ્લાઓ છે- ઇમ્ફાલ ઇસ્ટ, ઇમ્ફાલ વેસ્ટ, બિષ્ણુપુર, થૌબલ, કાકચિંગ, કાંગપોકપી અને ચુરાચાંદપુર. ખરેખરમાં, 11 નવેમ્બરના રોજ યુનિફોર્મ પહેરેલા સશસ્ત્ર ઉગ્રવાદીઓએ બોરોબ્રેકા પોલીસ સ્ટેશન સંકુલ અને CRPF કેમ્પ પર હુમલો કર્યો હતો. જેમાં 10 ઉગ્રવાદીઓ માર્યા ગયા હતા. આ દરમિયાન, જીરીબામ જિલ્લાના બોરોબ્રેકા પોલીસ સ્ટેશન પરિસરમાં સ્થિત રાહત શિબિરમાંથી 6 લોકોનું અપહરણ કરવામાં આવ્યું હતું. શુક્રવારે મળેલા ત્રણ મૃતદેહો આ ગુમ થયેલા લોકોના હોવાનું માનવામાં આવે છે.
આ ધારાસભ્યોના ઘર પર હુમલો થયો…
1. રાજકુમાર ઈમો સિંઘ, સગોલબંધ વિધાનસભા
2. સપમ કુંજકેશ્ર્વર, પટસોઇ વિધાનસભા
3. સપમ નિશિકાંત, કેશમથોંગ વિધાનસભા
4. થંગજામ અરુણકુમાર, વાંગખેઈ વિધાનસભા
5. સગોલશેમ કેબી દેવી, નાઓરિયા પખાંગલાકપા વિધાનસભા
6. ખ્વૈરખપમ રઘુમણિ સિંહ, ઉરીપોક વિધાનસભા
7. એસી લોકન, વાંગકોઈ વિધાનસભા
8. કરમ શ્ર્યામ, લેંગથાબલ વિધાનસભા
આ સિવાય રાજ્યના કેબિનેટ મંત્રી સપમ રંજન અને થોંગમ બિસ્વજીત સિંહના ઘર પર પણ હુમલો કરવામાં આવ્યો હતો.
