જૂનાગઢનો શખ્સ જાતે બનાવેલી છરી સાથે લાવ્યો’તો
હત્યા કરી આરોપી પોતે જ પોલીસ સ્ટેશનમાં હાજર થયો !
- Advertisement -
સ્પીડવેલ ચોક નજીક લોહીની હોળી: ઈઈઝટમાં કેદ થઈ યુવકની હત્યાની લાઈવ ઘટના
બે સંતાનોએ પિતાની છત્રછાયા ગુમાવી: ફર્નિચર કામ કરતા નિલેષ ધોકીયાની હત્યાથી પરિવાર શોકમાં
ખાસ-ખબર ન્યૂઝ રાજકોટ
- Advertisement -
ગઈકાલે રાજકોટના સ્પીડવેલ પાર્ટી પ્લોટ નજીક વાસ્તુ પ્લાઝા કોમ્પ્લેક્સની માધવ હોટેલ પાસે બહેનને હેરાન કરતો હોવાની શંકાએ જૂનાગઢ પંથકના શખ્સે રાજકોટના યુવકને ચા પીવાના બહાને લઇ જઈ છરીના 7 ઘા ઝીકી ઢીમ ઢાળી દેતા ચકચાર મચી જવા પામી છે આ ઘટના સીસીટીવીમાં કેદ થઇ ગઈ હોય તુરંત પોલીસ કાફલો દોડી ગયો હતો અને હત્યારાની શોધખોળ શરુ કરી હતી પરંતુ હત્યારો સામેથી ગાંધીગ્રામ પોલીસમાં હાજર થઇ જતા પોલીસે ધરપકડ કરી હતી પોતે હત્યાને અંજામ આપવાનો પ્લાન ઘડી છરી પણ પોતાની જાતે બનાવીને સાથે લાવ્યો હોવાનું જાણવા મળ્યું છે.
રાજકોટના ગુરુપ્રસાદ ચોકમાં આવેલી વૃંદાવન સોસાયટીમાં રહેતા અને છુટક ફર્નિચર કામ કરતા રમેશભાઈ હરીભાઈ ધોકીયા ઉ.45એ તેના નાના ભાઈ નિલેષ હરિભાઈ ધોકીયા ઉ.43ની હત્યા કરનાર જૂનાગઢના માળીયા હાટીના ખોરાસા ગામના મહેશ દિનેશભાઈ જેઠવા સામે તાલુકા પોલીસ સ્ટેશનમાં નોંધાવેલી ફરિયાદમાં જણવ્યું હતું કે અમે બે ભાઇઓ છીએ. જેમાં મોટો હું છું. મારાથી નાનો ભાઇ નિલેષ હતો. તેની પત્નીનું નામ ભાવનાબેન છે. નિલેશને સંતાનમા એક દીકરો દક્ષ 15 વર્ષ અને એક દીકરી કાવ્યા 13 વર્ષની છે અમે માતા મધુબેન સાથે સંયુક્ત કુટુંબમાં રહીએ છીએ. નિલેશ પણ છુટક ફર્નિચર કામ કરતો હતો ગત તા 3/02/2026ના સાંજે ચાર વાગ્યે હું સિટી સ્પાઇસ ધ કોઝી કોટ યાર્ડ ખાતે ફર્નિચર કામ કરતો હતો ત્યારે મને મારા ફૈબાના દિકરા નરેશભાઈ વિરજીભાઈ ટાંકનો ફોન આવેલ અને કહેલ કે, તું ઝડપથી સ્પીડવેલ ચોક નજીક વાસ્તુ પ્લાઝા માધવ હોટેલ પાસે આવી જા. તારા ભાઈ નિલેષને મહેશ દિનેશભાઈ જેઠવાએ છરી મારી દીધી છે જેથી હું મારી સાથે કામ કરતા ધર્મેશભાઈને બનાવ બાબતે વાત કરી બાઇક લઇ માધવ હોટેલ ગયો હતો ત્યાં જોયું તો મારો ભાઈ નિલેષ લોહીલુહાણ હાલતમાં જમીન પર પડ્યો હતો મારા ફૈબાના દિકરા નરેશભાઈ તથા ભરતભાઈ બંને હાજર હતા અને નરેશભાઇએ મને જણાવેલ કે, મહેશ દિનેશભાઈ જેઠવાએ પોતાની બહેન પ્રજ્ઞાને નિલેષ હેરાન કરે છે તેવો વહેમ રાખી મોઢાના ભાગે, છાતીના ભાગે, કમરના ભાગે છરીના ઘા માર્યા છે. નરેશભાઈએ 112 નંબર પર પોલીસને તેમજ 108 પર એમ્બ્યુલન્સને ફોન કરતા થોડીવારમાં પોલીસ તથા એમ્બ્યુલન્સ આવી ગયેલ અને 108ના ડોક્ટરે મારા ભાઈ નિલેષભાઈને જોઈ તપાસી મરણ જાહેર કર્યો હતો. ત્યાર બાદ પોલીસે જરૂરી કાગળો કરી સિવિલ હોસ્પિટલ પોસ્ટમાર્ટમ માટે મૃતદેહ મોકલ્યો હતો.
બનાવની જાણ થતા જ રાજકોટ તાલુકા પોલીસ મથકના એસીપી ચૌધરી, પીઆઇ હરીપરા, એલસીબી, ક્રાઈમ બ્રાંચ સહીતની ટીમો દોડી ગઈ હતી અને આરોપીની શોધખોળ શરુ કરી હતી પરંતુ હત્યા કરી નાસી છૂટેલો આરોપી ગાંધીગ્રામ પોલીસ સ્ટેશનમાં હાજર થઇ ગયો હતો અને મારી બહેનને હેરાન કરતા શખ્સને મેં મારી નાખ્યો છે તેવું જણાવતા પોલીસે આરોપીની વિધિવત ધરપકડ કરી હતી પોલીસની પ્રાથમિક તપાસમાં આરોપી મૂળ ગીર ખોરાસાનો વતની છે તે કોરાટ ચોક પાસે બાંધકામ સાઈટ પર ફર્નીચર કામ કરે છે. તેની બહેનને હેરાન કરતો હોવાની શંકાએ મહેશે છરી હાથે બનાવી હતી અને બપોરે ભોગ બનનારને ચા પીવા સાથે લઇ જઈ છરીના ઘા ઝીકી મોતને ઘાટ ઉતારી દીધો હતો.
હાજર 13 પૈકી યુવકને બચાવવા 3 લોકોએ જ હિંમત દાખવી
સમગ્ર હત્યાની ઘટના સીસીટીવીમાં કેદ થઇ ગઈ છે આ ફૂટે વાયરલ થયા છે જેમાં સ્પષ્ટ દેખાય છે કે ભોગ બનનાર પાણી પીતો હોય ત્યારે પાછળથી છરીના ઘા મારવાનું આરોપી શરુ કરી દે છે તે નીચે પડી જવા છતાં છરીના ઘા મારવાનું ચાલુ જ રાખે છે અને ઢીંકા-પાટાનો માર પણ મારે છે આ ઘટના વેળાએ સીસીટીવીમાં 13 શખ્સો દેખાય છે જે આજુબાજુમાં ઉભા હોય છે પરંતુ તે 13 પૈકી માત્ર 3 લોકો જ યુવકને બચાવવાની હિમ્મત દાખવે છે.
